公屋出身大學生寧願長住宿舍不回家 和父母關係一般：公屋如無間地獄｜附公屋輪候時間

公屋出身｜大學生：公屋如無間地獄

有出身於公屋家庭的大學生於「Dcard」表示有hall住之後，就唔想再返屋企住。樓主表示住在公屋一直都覺得並不愉快，覺得啲人好雜，住在公屋就像住在悲情城市中一樣。加上父母的學歷不高，樓主和家人的關係一般，除了平時噓寒問暖，其餘時間都不太會聊天。樓主表示每次回家，返到屋企附近範圍個人頭頂即刻多舊烏雲。

自從入讀大學，認識了更多不同的人，住在宿舍和朋友相處多了見識多了之後，樓主指自己變得唔再頹廢，日日都好有energy好開心。但一返親屋企個人又頹返，唔想同任何人傾計。所以就算疫情爆發，大部分同學都退宿，樓主仍然照樣留在學校宿舍。

有時太耐冇見屋企人掛住佢哋，樓主表示自己會返屋企食個飯，但都係見一見面就會走，不願意久留或是相處太久。更表示很難想像將來沒有大學宿舍，要返返屋企依個無間地獄住，又會被周遭氣氛搞到頹返哂，想知以後搬出去住係咪唯一方法。

有網民表示唔明公屋有咩問題，又平又唔洗煩，住私人樓同鄰居關係亦唔會有太大變化。認為樓主父母含辛茹苦湊大佢送佢上大學，如果知道佢咁諗應該會好傷心。樓主亦表示很愛自己的父母，知道沒有父母無法讀大學，只是學歷相距太大，有時沒有共通的話題。

公屋出身｜公屋平均輪候時間長達6年

雖然樓主對公屋百般嫌棄，要買到公屋並非一件易事，香港人在置業方面面對不少困難，如果是非長者的一人公屋申請者，輪候時間更是極長，可以排到的機會十分渺茫。

根據房委會的資料，截至2021年12月底，在過去12個月獲安置入住公屋的一般申請者的平均輪候時間為6年，當中長者一人申請者的平均輪候時間為4年，以上數據並不包括非長者的一人申請者。在2021年第四季獲編配入住公屋的一般申請約4,700宗，當中獲編配的長者一人申請約310宗。

另外，公屋本年度的入息限額凍結，以幫助低收入家庭：

（圖片來源：房委會）
參考資料：房委會