居屋申請｜港男300萬預算綠表申請居屋 爛賭父指搶佢間屋｜附富戶政策詳情
居屋申請｜欲以綠表抽居屋 爛賭父鬧「搶我間屋」
有網民係「連登討論區」提出有關抽居屋的問題。網民表示一家3口住緊公屋，老豆幾十年前賭錢輸身家，輸咗成幾百萬，日日散播負能量。媽媽開燒賣魚強小食店搵得唔多，同打工差唔多。樓主就每月大約有2萬5千收入。
樓主希望可以置業，認為今期居屋好吸引，有大約200萬的預算，媽媽口頭承諾會支出100萬。樓主打算用全家名義報綠表，但老豆就發脾氣話「搶佢間屋」、「謀朝篡位」，嘈咗成個禮拜，最後由媽媽妥協話抽到間屋戶主填佢個名先靜返。
但樓主表示呢幾廿年已經受夠個負能量又性格古怪嘅老豆，唔希望一齊住。但另一方面，目前私人樓仍然太貴，入息咁低未必過到壓測，唔知點做好。
有唔少網民都留言俾意見，表示樓主用公屋去抽居屋，事實上又係要同老豆住冇分別：
．綠表轉居屋你之後結婚咪一樣無地方住
．搬出去算啦，大個仔啦
．你綠表抽，抽到又要交公屋出嚟， 到最後咪又係同返個老豆住
．梗係你自己買！ 資金係300 萬？ 25k 咪借250萬囉 咪買到550 萬
．填老豆名轉個頭咪賭多次，不過巴打買私樓你想過壓測我諗你要搵另一半
有網民建議樓主想置業，可以購買較舊的私樓，例如屯門大興村，另外也需要找另一半一起供樓。亦有網民質疑樓主的資產已超過公屋富戶的上限，需要交還公屋。
居屋申請｜居屋2022入息上限
綠表沒有入息上限，而今期白表一人及家庭申請的資產限額將會調升至92.5萬元及185萬元，月入限額則維持不變。
| 家庭人數 | 月入限額 | 資產限額 |
| 1人申請者 | HK$33,000 | HK$92.5萬 |
| 2人或以上家庭 | HK$$66,000 | HK$185萬 |
揀樓優先次序
以下為揀樓的優先次序，上述個案中樓主屬於第4位。
| 揀樓優先次序 | |
| 綠表 | 白表 |
| 1. 受房委會公屋清拆計劃影響的家庭申請者（即白田邨第 9、第 10、第 11 和第 13 座） | 1.參加「家有長者優先選樓計劃」的核心家庭申請者 |
| 2. 受房委會中轉房屋清拆計劃的家庭申請者（即石籬中轉房屋） | 2.其他核心家庭申請者 |
| 3.參加「家有長者優先選樓計劃」的家庭申請者 | 3.非核心家庭申請者 |
| 4.其他家庭申請者 | 4.白表一人申請者根據相關的分配比例選擇 |
| 5.受房委會公屋清拆計劃影響的一人申請者（即白田邨第 9、第 10、第 11 和第 13 座） | |
| 6. 受房委會中轉房屋清拆計劃的一人申請者（即石籬中轉房屋） | |
| 7.普通綠表一人申請者根據相關的分配比例選擇 | |
居屋2022申請時間、攪珠抽籤、揀樓
| 申請程序 | 時間 |
| 申請時間 | 2022年2月25日早上午8時至3月24日晚上7時 |
| 攪珠抽籤 | 2022年 第二季 |
| 揀樓 | 2022年 第四季 |
更多詳情：2022居屋及白居二：申請資格+白綠表入息+7大屋苑介紹+首期6.2萬可上車？持續更新
居屋申請｜公屋富戶政策
在公屋在富戶政策下，住戶需要每兩年申報一次，所有住戶都要填上月入金額。住戶的家庭總資產淨值不得超出入息限額的100倍， 入息不可超出入息限額的5 倍，否則會要求須遷出單位。
| 家庭人數 | 家庭月入限額（$） | 家庭總資虛淨值限額 |
| 1 | 64,700 | 130 萬 |
| 2 | 97,750 | 196 萬 |
| 3 | 122,050 | 245 萬 |
| 4 | 154,750 | 310 萬 |
| 5 | 185,900 | 372 萬 |
| 6 | 204,200 | 409 萬 |
| 7 | 233,850 | 468 萬 |
| 8 | 261,550 | 524 萬 |
| 9 | 288,550 | 578 萬 |
| 10人或以上 | 314,900 | 630 萬 |
港男為何被爛賭父親指控「搶佢間屋」？
網民表示一家3口住緊公屋，老豆幾十年前賭錢輸身家，輸咗成幾百萬，日日散播負能量…詳情請看
居屋2022的入息上限是多少？
綠表沒有入息上限，而今期白表一人及家庭申請的資產限額將會調升至…詳情請看
