快測轉陰風險｜前日啱啱轉陰性 老爺奶奶堅持上門嚟睇一歲孫｜第五波疫情

快測轉陰風險｜前日先轉陰 即刻要睇孫

有媽媽在親子討論區發帖，表示老爺奶奶啱啱好返兩日，就話好掛住個孫要上去睇佢。事主以「老爺奶奶話要嚟睇孫」為題發文，表示老爺奶奶上個月24號確診，前日轉陰性。兩老強調中過有抗體，可以上去睇孫仔，唔會有事，而BB只有一歲。

事主表示已經叫老公同佢哋講唔好上去住，老爺奶奶係咁話掛住個孫，自己已經轉陰，唔會傳染到俾BB。

見到事主發文唔少網民都留言，叫媽媽要企硬：

．梗係唔得BB抵抗力好弱，佢哋都唔想惹到個孫啦。

．視像啦，如果唔得叫老公出聲，做阿媽要企硬。

．遲啲先，中左都可以帶住少量病毒，唔好搏。

．前日先轉陰，點知佢哋會唔會復陽架！最少等多2個星期先再諗。

原文：按此

快測轉陰風險｜病毒量較低 仍有傳染他人可能性

目前只要已接種至少兩劑新冠疫苗，在第六天及第七天進行快速測試結果呈陰性，便可以提早離開社區隔離設施或家居。但事實上，快速測試即使由陽轉陰，仍存在風險。即使轉為了陰性仍有可能再次感染。

衞生防護中心傳染病處首席醫生歐家榮表示快測結果轉為陰性，代表病毒含量水平很低，的確傳播風險非常低，已經可以過正常生活。雖然如此，一般而言快速測試較核酸檢測不敏感，因此出現陰性不代表體內病毒已經完全消失，傳染他人的可能性並非為零。