淘寶吊扇不銹鋼製風力強勁 網民驚呼似血滴子｜附安裝貼士

吊扇｜淘寶買不銹鋼吊扇 葉片似刀片

日前有網友在Facebook群組「淘寶開心share」上發文，指自己買了一把風力強勁的吊扇，以不銹鋼葉製成，表示：「成個客廳涼浸浸！」尺寸為52寸，售價為人民幣$338。雖然樓主大讚吊扇的功效，但是照片一出卻令大量網民議論紛紛。

事源圖中的吊扇以不銹鋼葉製成，外觀上就婉如幾把大刀在頭上旋轉一樣，令不少人聯想到血滴子，恐怖的外觀，令人不會選購，也有網民認為不太吉利。此外吊扇的安全性亦是網民討論的重點之一，以往不時都有吊扇從天花掉下傷人的事件，網購回來安裝在家中，有更多安全疑慮。

「睇落有啲唔吉利嘅感覺，好似頭上有刀咁。」

「我睇相都覺得條頸好似比人劏緊咁。」

「五把刀係頭上發發聲咁轉，梗係涼啦！ 見到個心都涼咗半截！」

「呢啲嘢唔好話淘仔，就算德國仔我都唔敢用。」

「成日覺得呢啲風扇好得人驚，我細個時屋企都用，但唔係咁嘅款。跌落嚟，感覺連頭都劈埋落嚟….」

「風水唔好，呢啲係頭頂轉轉下嘅唔可以金屬，樓主最好噴過另一種顏色。」

安裝吊扇5大注意事項

不少人都對吊扇感到恐懼，認為有安全疑慮。事實上在安裝吊扇時要確保安全，有不少事項需要留意：

1. 留意要安裝的區域是否穩固、能否負重30公斤以上，一般都會安裝在天花板上。
2. 扇葉和地面的距離超過250公分。
3. 扇葉和四面牆壁的距離，至少為60公分以上。
4. 避開燈具位置安裝。
5. 確認天花板的高度再選擇吊管長度。