煙民露台食煙鄰居投訴感無奈 上網發文反被勸戒煙｜附煙味投訴方法

鄰居露台食煙｜被樓上師奶大叫投訴

這位事主表示，每次在屋企露台食煙，都會被樓上師奶大聲嗌：「好大陣煙味！」事主即使躲進廁所食，鄰居都聞到，唔知可以點算。事主亦補充公契並沒有禁止，貼文引起不少街坊的討論，許多街坊都直接勸事主戒煙，不只少了很多麻煩，更是為了自己的身體健康。

網民留言表示：

「將心比己唔應該影響鄰居，會去露台食都係唔想煙味留在家中，但鄰居就要食二手煙」

「如果你覺得食煙冇問題，點解唔自己係屋企入面食？」

「戒就難少少， 不如落街先食，或者返屋企前食夠佢。」

亦有網民分享自己屋企被食煙鄰居影響的經歷：

「對面嗰家人不停煲煙，再用幾部風扇吹啲煙出走廊，投訴都冇用。」

「樓上嗰個單位勁自私，成日喺廁所食，啲煙味攻晒落嚟，有時仲會有煙頭掉落嚟。」

鄰居露台食煙｜屬私人滋擾：可追討民事索償

受鄰居的二手煙影響可以點做？這類問題屬於「私人滋擾」之一，「私人滋擾」分為很多種，舉例冷氣機滴水、噪音、偷拍等都屬於滋擾，部分有專門的法例規管，以噪音為例便是《噪音管制條例》，冷氣機由於造成衛生問題，則與《公眾衞生及市政條例》有關。如果遇上滋擾，可以先行和鄰居以及管理處溝通，溝通無效才選擇報警。

除了上述的兩個例子外，當然亦有部分滋擾並沒有專門的法例規管，例如受鄰居的二手煙影響，但事主仍可以就滋擾問題起訴對方，只要是物業持有人或佔用人（即租客）就有權作出起訴。

以鄰居在露台吸二手煙為例，如果你因為對方的滋擾蒙受損失，而索償金額不超過50,000元，可以選擇在小額錢債審裁處追討。或是申請禁制令，禁止對方繼續滋擾。

相關資料：按此