第五波疫情｜港媽帶染疫女嬰求診苦等17小時 親歷醫院混亂安排
廣告
第五波疫情｜第五波疫情相當嚴峻，確診數字每天上升。13日有一位媽媽於直播中分享自己13個月大的女兒初步確診去醫院求醫的經歷，希望大家在入院時做好心理準備，表示現時人手嚴重不足，表示如非十分嚴重千萬不要去醫院。當日就苦等了約10多小時才能上房，陪床的安排亦十分混亂。另外事主亦分享了求醫必備的物品，供大家參考！
第五波疫情｜陪床安排混亂
事主表示去醫院求診時安排十分混亂，針對陪床的安排前前後後從不同人口中聽到3個安排。12日開始等候期間本來表示若爸爸同為陽性可以陪床，後來13日從室外的發燒區轉至室內等候區時，爸爸的檢測結果出來後又表示不可以陪床。屋企人本來想帶小朋友離院，但院方不讓孩子離開，媽媽表示「冇可能留13個月大BB係醫院」。
最後仍是由爸爸陪床，安排十分混亂。醫院方面表示收嘅係小朋友，而父母只是一個陪伴人，因此陪伴期間確診亦不會幫忙睇症。
第五波疫情｜求診苦等17小時上房
入到去急症室以後分流去發燒區，發燒區是一個半露天的帳篷，好多人冇凳坐好多人坐地下等待求醫，會在室外露天診症。另外千祈唔好凌晨去，因為半夜真係冇人手要等好耐。媽媽強調醫護其實態度很好，只是人手不夠沒有辦法。等候了11個半小時，小朋友才從發燒區轉去室內，室內等候區是一張美容椅，當下又再等了6小時才可上房。
第五波疫情｜不陪床 掙扎時可能會綁住
事主指出上到兒童病房眼見好多BB冇人陪。如果小朋友自己入去而失控醫護會綁住小朋友，選擇陪床的話只有一個人係醫院唔可以換，而在她觀察下認為小朋友冇人陪床可更快上房。當日醫護的確不斷要求想陪床的爸爸離開。
第五波疫情｜必備食物/衣物/退燒藥
事主亦分享了求醫需要準備的物品，供有需要的家長參考：
1）足夠防寒衣物
2）足夠BB奶粉/熱水/尿片及小朋友食物
3）退燒藥同退熱貼（醫院有機會10個鐘頭後先俾退燒藥你bb）
4）足夠電量供電話使用因為你有需要逗留長期時間
＊如果收你入院好大機會要在室外等12小時以上
＊＊唔需要執定走佬袋 真係入咗院 可以叫家人拎物資
資料來源：PL fashion 日韓時裝
撰文：Billie圖片來源：雷小姐、shutterstock
