荔枝選購貼士｜買荔枝「走枝」被拒 港男：到底是買荔枝定樹枝？
廣告
荔枝選購｜夏天有唔少生果都當造，荔枝就係其中一款熱門生果。有網民於網上分享買荔枝時的經歷，投訴自己想走枝，但遭檔主拒絕。事主更向對方表示：「到底我係買樹枝家係買荔枝？」，貼文一出引起街坊討論。到底荔枝要點揀先新鮮？
荔枝選購｜買荔枝唔係買樹枝
日前事主於Facebook群組「荃灣人」中發文，貼文附上一張荔枝的照片，可見事主把荔枝和枝葉分開，把兩者進行比較，分享自己的「不愉快」經歷。事主在荃灣楊屋道街市對面的生果檔買了一紮荔枝，當中有兩籮荔枝，一籮有枝葉一籮沒有，姐姐給了事主「一大紮連枝荔枝」，他認為當中太多枝葉，表示希望「走枝」，更向阿姐直言：「我係買荔枝唔係買樹枝。」而對方並沒有理會他。
街坊認為事主可能是擔心「呃秤」，但事實上荔枝枝葉的重量較輕，應該無法用來「呃秤」。有內行人提醒，不連枝的荔枝，可能反而並不新鮮，因荔枝果實一離開枝葉，就會流失水分及養分，很容易變質。所以離枝的荔枝，可能出現果肉腐爛的情況。
荔枝選購｜選購荔枝5大建議
事實上荔枝枝葉有清熱解毒的功效，食荔枝食到熱氣，可以煲水飲清熱，對治療濕疹也有功效。挑選荔枝方面，食用安全中心亦有不少建議：
- 小朋友一次不要食超過5粒，而一般成年人每日不要食超過300克（大約10粒）。
- 向可靠的店鋪選購荔枝。
- 要用流動的清水輕輕刷洗荔枝，之後才剝皮。
- 不要空肚食荔枝。
- 食之前記得洗乾淨雙手。
食物安全中心建議：按此
撰文：Billie圖片來源：荃灣人、photoac
