踩屎感拖鞋大熱！網民熱捧淘寶厚底軟鞋指可紓緩腳痛 實際上超易坳柴

踩屎感拖鞋｜超軟綿綿 着過返唔到轉頭

所謂「踩屎感拖鞋」指的是加厚增高拖鞋，拖鞋有軟墊及軟膠設計，踩落去十分舒服，被網民形容為踩屎感，從內地興起到不少香港人也喜歡。日前便有人在Facebook群組「淘寶開心share」中發文分享，指呢期興踩屎鞋，表示「着過返唔到轉頭再着人字拖啦」，樓主指踩屎感拖鞋平靚正「踩上有超軟綿綿Feel」，4對約$100港幣，非常抵玩。

踩屎感拖鞋｜間間質素參差

事實上，淘寶上更有低至$10一對的踩屎感拖鞋，的確十分平價，更有不同的圖案和款式，十分可愛。

不過淘寶網上雖然有多間店鋪都賣踩屎感拖鞋，但不少網民都表示並非間間都咁舒服，部分圖片差不多，同樣標榜「踩屎感」，但着上腳卻沒有踩屎感覺：「着住又熱啲，買完放埋一邊後悔中。」樓主亦認同指：「淘寶好多店賣差不多款，但有好質素嘅，要慢慢搵。」

踩屎感拖鞋｜容易kick倒受傷

望落就好似好舒服，但係好唔少買過嘅網民現身，係貼文下面留言，表示着踩屎感拖鞋好容易受傷：

「我着完係屋企坳柴。」

「今日下午4點開始着，已經kick親4次。」

「我着咗一日就腳痛。」

「如果老人家著會危險，踩磁磚地太啜地，要好用力提起腳行。」

有網民提醒：「重磅唔好買，好快爛。」

對於「踩屎感」這一形容詞，好多網民都不解：

「我未踩過屎，唔知踩屎有幾舒服。」

「正常人踩咗屎通常都媽媽叉叉！唔明點解會攞嚟做賣點。」

原文：按此

踩屎感拖鞋｜鞋底太軟或致腰痛

事實上，由於厚底鞋的厚度較高，太厚的鞋底令雙腳變得十分笨重，行路時很容易會Kick親跌倒。如果鞋底過硬，前掌無辦法彎曲，長期下來可能會出現一系列的壞習慣，只懂得用前腳掌走路。

穿着質感較軟的鞋子，腳會容易往前滑動，為了穩定鞋子腳趾會下意識地捲曲，令腳趾開始變形，可能導致後來出現腰痛、腳痛的徵狀。

踩屎感拖鞋大部分都是又厚又軟綿綿的，因此在購買時要多加留意。