退熱貼港媽1材料DIY 應對仔仔39度高燒 大讚好用激推
廣告
小朋友發燒冇退熱貼都幾麻煩，用毛巾又怕整濕額頭，又好快乾。有一位移英港媽就想出妙計，仔仔發高燒屋企又沒有退熱貼，沒有冰墊；港媽靈機一動用1材料diy退熱貼，竟發現特別好用，材料亦都係各位媽媽家中常備，方便又好用。
Diy退熱貼
港媽在facebook群組「英國香港人生活交流區」分享，仔仔最近發高燒，但家中搵唔到退熱貼和冰墊。她突發其想，用衛生巾自製退熱貼，竟發現比一般的冰墊更好用。
衛生巾變退熱貼 港媽激推
移英港媽表示在當地仔仔求醫艱難，打了1小時10分鐘才聯絡到醫生，但醫生指除非小朋友情況十分惡化，孩子3日不退燒才再找他們；所以仔仔能「靠佢阿媽我」。港媽表示，仔仔高燒39度不退；在沒有退熱貼情況下，港媽急中生智用衛生巾濕水放入冰箱，diy退熱貼給仔仔。豈料她發現十分好用，更加推薦給一眾媽媽：「竟然好用過軟性冰墊，唔會太凍，又唔會有倒汗水，直接敷落額頭，黐落頸度，可以不停循環再用。」
網友大讚港媽機智
港媽的靈活變動引來網友的大讚，更驚嘆：「咁都俾你諗到！」。不過又有網民提醒，冰敷會冷皮膚表面血管過度收縮，反而更難散熱；如果想幫仔仔降溘可以試下沖暖水涼，或許用室溫水抹身。
撰文：Gigi圖片來源：shutterstock
