兄弟鬧交 港媽偏心斥哥哥做大應讓細佬 哥哥感委屈含淚做一舉動網民激論

撰文：Clara | 資料授權：「生仔要考牌」| 圖片來源：SHUTTERSTOCK

港媽輕視哥哥感受 偏心弟弟

近日一名網民於Facebook專頁「生仔要考牌」投稿，講述有個媽媽偏心弟弟的經過。事緣網民與姐姐一齊搭巴士，見到有個媽媽帶住兩兄弟上車，兩兄弟一上車就鬧交。弟弟掌摑哥哥幾巴，哥哥踢弟弟一腳反擊。他們媽媽見到，即大聲斥喝他們停手。不過她全程沒有教訓弟弟，只是一直斥罵哥哥，並要求他讓弟弟：「你係哥哥，唔可以讓下細佬嘅咩？」哥哥沒有駁嘴，表情非常委屈，一度含淚，但堅持不流淚。

巴士在某個車站開門，哥哥突然怒火中燒走落車，媽媽欲叫停他：「我哋未到站呀，你做咩呀？企喺度啊！」但哥哥沒有理會，她惟有馬上衝落車追著哥哥。網民見到這幕很感概：「原來呢個世界唔只重男輕女，就算係同一個性別都會發生（偏心事件）。」他姐姐很認同：「個哥哥好慘，阿媽太偏心」。

兄弟姊妹爭吵多大批網民感同身受

兄弟姊妹爭吵事件常有發生，惟不少媽媽都會偏心弟弟、妹妹。不少網民指年紀比較大的仔女永遠處於弱勢：「即使只係大一兩年，細嗰個就係孩子，大嗰個就唔係孩子。心理陰影面積咪就係咁求出嚟囉。」、「無論發生咩事，永遠都係大少少嗰個嘅錯」

有網民分享童年經歷，表示很明白事件中那位哥哥的心情：「細個嗰陣做錯嘢被人打嘅都係我，次次都係 『你係家姐，要做榜樣畀個妹睇』，你估我想做大嗰個？都無得揀」、「我錯，我教壞個妹，無睇住個妹。大個妹一年講到我好似大佢10年，次次都話我要讓佢」、「所有細佬嘅惡行都被無視，受害嘅全部都係我。細佬做任何嘢都係乖，而我只係出聲都會覺得係曳。」亦有網民分享窩心經歷，多謝媽媽沒有偏心妹妹，令她得到相等的愛：「我妹把口好甜，係大人會鐘意嗰啲；而我細細過已經係頂心杉。我爸錫我妹多啲，所以我媽會錫我多啲，只少都會做到公平。」

但有網民持相反意見，他認為媽媽偏心很平常：「大一年又好、兩年又好，你大做大佬就係大佬，你都有做大佬嘅責任。做大佬嘅絕對有能力、有知識唔令媽媽尷尬，唔用拳頭化解問題。」