地盤男友被同事批污糟學歷低勸分手 女老師認為職業無分貴賤一句KO對方
撰文：Clara | 資料來源：Dcard | 圖片來源：SHUTTERSTOCK
地盤男友被同事批污糟學歷低勸分手
近日一名女老師在網上討論區「Dcard」發文，指自己成續好好，跳級讀大學，現在在學校教中文，而男朋友是一位地盤工人。她指男朋友與同行說話會比較「粗聲粗氣」，不過她從來沒有介意男朋友的職業，全因他優點數之不絕，如待人溫柔有禮，從來都不會大聲罵她、孝順父母、重友情、不煙不酒無不良嗜好，亦對事主無微不至，最重要是她身體不舒服時，他會請假陪她覆診看醫生。她的爸爸媽媽對她這位男朋友有好高評價，欣賞他有一技之長、勤力工作、思想成熟，認證他們的情侶關係。她說：「雖然佢讀書唔叻，英文唔好，但係我一啲都唔介意，同佢之間有傾唔完嘅話題，同佢一齊嘅時間都好開心」。
她在校內有位同事見過她與男朋友拍拖，也知道她男朋友是地盤工人，竟然口出惡言，批評其男朋友「地盤佬唔識襯衫」，又指他穿搭有「地盤佬味」、「污糟粗魯」，她反駁：「咁企理就得啦，邊有得話著咩衫就地盤佬，做地盤都係正當職業仲好辛苦架，佢成日整損手腳……」那位同事還嘲笑她男朋友學歷低：「做得地盤都係無讀過書，英文都唔識多句，好似學校啲校工咁囉，讀唔到書啲懶人咪做牛工囉。」甚至勸喻她與男朋友分手：「話我讀咁多書唔係為咗同個唔識讀書嘅地盤佬一齊」。
女老師力撐男朋友一句KO對方
女老師力撐男朋友，指對方月入近4萬港元，年底可能有花紅雙糧，而且中學開始就有投資習慣，現時儲到80萬，將來移民也無問題。但同事認為她只係好彩，不相信做地盤可以搵好多錢：「總之我就對啲低學歷嘅人有偏見啦。」她不滿同事對她的戀情指手畫腳，最後忍無可忍出言反擊：「職業無分貴賤㗎，佢哋腳踏實地，讀唔到書唔一定係懶，佢知自己要返工搵錢唔係攤大手板拎福利，佢又識為將來打算。你鍾意啦~你咪搵個喺哈佛讀Master/Phd嘅男朋友，識到記住講聲，周圍同人講佢高學歷，但人品就唔知喇。」
同事不獲學校續約 二人從此斷交
她續指同事雖然於香港中文大學，但工作時錯漏百出，連基本的職責均未做好，不明白為何會這麼囂張跋扈。之後那位同事剛巧不獲學校續約，她亦覺得對方價值觀與自己太大分別，趁機跟對方絕交。她認為為人師表應該有教無類，不應以學歷定義人的價值，況且行行出狀元:「識兩文三語多國語言都係叻，但每個人叻嘅位都唔同，用學歷決定人哋會唔會太膚淺，心存偏見仲好意思話人，得啦叻啦祝你搵到碩士博士做你男朋友。」
網民：為人師表把口咁臭
帖文引來網民熱議，很多人不滿那位同事憑甚麼看不起別人，又指她見識好少，做地盤工人的月薪多過好多在辦公室工作的職業：「為人師表把口咁臭，畀佢讀常春藤又如何？」、「睇唔起人哋份工先係最值得被人睇唔起嗰個」、「地盤搵勁多囉好唔好」、「其實佢眼界先最窄，以為世界上所有人都要跟佢嗰種生活方式」。
