婆媳大戰｜奶奶提點飲水 新抱覆「得啦」被狂數4宗罪！長文呻不想演戲扮乖

撰文：Clara | 資料授權：「我的極品四大長老」| 圖片授權：Shutterstock

港媽違反同居諾言+抗拒溝通

事緣一名港媽於Facebook專頁「我的極品四大長老」撰文，表示自己不懂怎樣與奶奶相處。她指奶奶不是難相處的人，由他們拍拖開始，已常常表示當她是女兒，每次上奶奶家吃飯都不用洗碗、執枱。結婚前，她見到奶奶非常痛錫她老公，加上想儲多點錢才買樓，所以曾答應奶奶會跟兩老同居。奶奶一直不想兒子搬走，所以一聽到他們答應會同居，馬上表現得很開心。

結果準備結婚時，她突然懷孕。成為媽媽後她考慮更多，想給更好環境給小朋友，所以就跟老公商量搬出去的事宜。其後他們成功上車，奶奶問她老公：「搬咗之後每個星期會唔會四日返去食晚飯？」她當下愕住了，覺得一星期有四日回去吃飯，會失去很多私人時間，於是斷言拒絕奶奶。

不過她仍會間中會上奶奶家吃飯，最基本會打招呼，但奶奶一家聊天時，她只會給面子笑一笑，聲線比較平淡，大部分時間保持安靜。她坦言不懂得與人聊天，尤其是長輩，有幾次只是談了幾句，已經會「唞大氣」，全身冒汗。

奶奶狂數四宗罪 婆媳大戰

這位媽媽一向不愛與人有正面衝突，但他見到奶奶有些生活習慣不太妥當，曾叫老公做中間人幫忙提醒一下奶奶，結果出事：「因為一個好普通嘅提醒，奶奶突然就情緒爆發，話一直都好不滿我。」

第一宗罪：

奶奶覺得她當初答應同居，但最後違反諾言，是欺騙、不守承諾的表現，她覺得沒有問題：「唔知係咪佢唔想寶貝仔離開佢。」

第二宗罪：

奶奶認為新抱嫁入家門，應該努力融入他們家，平時有時間要聊聊天、說說笑。但她每次去吃飯都很安靜，吃完飯就入房。

第三宗罪：

奶奶常常提醒她吃飯要飲水，她只會很平淡地回覆：「得啦得啦」、「知啦知啦」、「Okay」，奶奶與男家覺得她很沒禮貌，應該要回覆：「知道啦奶奶，多謝你嘅提醒，我會飲水」，惟她很不自在：「自問由細到大都唔會講呢種說話，要突然之間咁扮嘢講真係好難。」

第四宗罪：

她曾答應過與奶奶飲茶，但因為她懷孕期間很不舒服，所以比較少上奶奶家，主要在娘家休息，故再被奶奶鬧。

老公曾提點婆媳相處貼士

這位媽媽已經跟老公講過這問題，他教路：「佢好易哄，平時入門口個陣高音講『奶奶，我返嚟喇』就Okay，或者得閒攬吓佢。」不過她堅持不做，因為她在娘家自小都不用這樣做，最後她向網民求助：「當知道奶奶有咁多不滿既時候，唔知道點同佢甚至屋企人相處。去到奶奶屋企就要做戲，但我覺得咁係強逼緊我做佢心目中嘅新抱，唔係我本人，依家情緒好低落，無助…咁扮嘢對我嚟講好困難。」

網民不撐紛紛鬧爆無禮貌

本來這媽媽想尋求一點安慰，然而大多數網民都鬧爆她沒有禮貌，而且自我中心，竟以受害者角度公審奶奶：「句得啦！得啦！ 真係人聽到都嬲」、「應承咗又唔做，係咁畀藉口自己，正常人都會嬲，然後仲要唔明點解人地不滿，完全畀人感覺係自我中心」、「好明顯有問題嘅人係你，食完飯就入房，你都好唔畀面人哋」。

有三孩媽媽就教她要做好門面功夫，免得老公成為兩個女人之間的磨心：「一唔一齊住都好，奶奶係女人，女人就麻煩。每事都客客氣氣，語氣好啲『知道！』、『好呀！』。唔係叫你唔做自己，而係保護自己，唔好畀位人入。你老公既然彈咗貼士畀你點對個奶奶，咪照做囉。」

資料授權：「我的極品四大長老」