離婚決定要問網民？港媽斥奶奶唔識湊孫 被老公鬧要求高：你唔信我哋

撰文：Clara | 資料來源：「我的極品四大長老」| 圖片來源：shutterstock

港媽自責太想結婚 終嫁錯人

近日，一名港媽於facebook專頁「我的極品四大長老」投稿，力數另一半的不是。港媽表示她與另一半是對愛情長跑十年的情侶，到了30歲，她見到另一半仍未求婚，由於不想再浪費青春，於是主動提出分手，怎料對方即時求婚：「我蠢⋯⋯到30歲女人死線，我話分手，老公就求婚。」

港媽指，本來老公由拍拖開始，就向她講到明不用理會其母，然而婚後首日已經違反承諾。港媽話奶奶是個失婚婦人，母子相依為命，結婚當日母子異常高興，港媽才發現原來打從一開始，老公就打算娶個女人回來負責服待其母：「一入門，屎佬大叫：『阿媽我娶咗老婆返嚟服侍你！』我嗰刻見佢哋相擁痛哭。」

港媽列舉奶奶三大問題

正式註冊起，噩夢就開始，港媽抱怨奶奶從沒有尊重過她與老公的私隱，又指奶奶非常自我中心，沒有理會她的感受，她列舉出三大問題：

第一，港媽指結婚第二晚老公突然離開夫妻二人租住的家，回去原本的家，陪伴其母。結婚第三晚，港媽終於忍不住，去老公、奶奶的家過夜，奶奶竟然不准他們鎖房門睡覺，令港媽汗顏：「奶奶又未癲到瞓我地中間⋯⋯」

第二，結婚幾年後，港媽成功誕B， 她指奶奶一向對BB沒有好感，兒子全都是交給托兒所湊大，所以港媽與老公都沒有打算叫奶奶湊BB。港媽將BB交給有讀過陪月課程及有相關經驗的媽媽照顧，想不到從未湊過BB的奶奶突然想湊孫，令港媽很擔心：「奶奶知道我阿媽湊，佢話自己突然好有愛心，要湊BB。」

第三，港媽指每日奶奶都會捉住她，要求她教自己如何開奶粉、換尿片、洗澡、穿衣服：「老公畀咗鎖匙，奶奶每朝準時六點半坐車出嚟我屋企叫醒BB。」有時港媽要鎖門餵人奶，奶奶就會黑面，然後透過兒子要求港媽不要再鎖門。

港媽難忍老公奶奶 欲離婚

其實港媽曾向老公傾訴過奶奶的問題，可是老公只是認為港媽要求高：「我同老公講，奶奶嚟玩吓得喇。佢鬧我唔信佢哋，我要求高，唔肯放手，佢話BB無斷手斷腳，都唔係虐兒。」港媽指奶奶很自我中心，而老公又是「裙腳仔」。經過她深思熟慮後，萌生離婚想法：「我覺得1歲或識講嘢之前，BB都唔好放手畀一個唔可信嘅人。要逼自己放手，即係唔可靠。」但老公再次反駁，指港媽一手破壞家庭，剝削BB有爸爸的權利，還表示無女人會因為婆媳糾紛而離婚。

最後港媽求助於社工，社工叫她搬走，由分居開始，再離婚。雖然港媽擔心老公會爭間屋、阻止她賣屋，但她仍感到鬆一口氣：「奶奶唔係同住，我已經好幸福，祝我老公立即離開回去佢媽媽懷抱。」

網民大多支持離婚

帖文引來不少網民討論，有網民支持港媽離婚決定，認為結婚第一日就已經出現問題：「呢啲男人唔要都罷，我都祝你老公早日回去攬住佢媽媽過世！」、「兩母子梗係感動到相擁痛哭喇，娶呢個女人返嚟，即刻有免費工人用 ，仲可以生仔，如中六合彩頭獎」、「最憎媽寶，始終都係外家好」、「明明可以分開住，仲朝朝準時出現，同一齊住有咩分別？坐月已經身心疲累，每朝仲要浪費精神教人湊BB」

亦有網民覺得是港媽最大責任：「除左奶奶外，你唔肯畀老公學吓湊B同否定老公嘅能力，咁又有啲問題」、「呢兩仔乸咁有問題，點解仲繼續可以一齊咁多年？係咪你嘅問題？」