巴士公司高層愛女欲行使職員家屬福利拍卡免費搭車 被要求拍多次感難堪8字威嚇車長
撰文：Clara | 資料授權：Facebook專頁「生仔要考牌系列」｜圖片授權：SHUTTERSTOCK
愛女未拍到八達通卡車長叫拍多次致爭執
日前一名駕駛九龍某特快線的巴士車長於Facebook專頁「生仔要考牌系列」投稿，他指自己已經有多年駕駛經驗，經常與其他司機都會討論某一個屋苑的住客最多要求、最麻煩，但現在有新屋苑入伙之後，他覺得之前所遇到的問題乘客已經「濕濕碎」，他形容那位乘客的言行非常離譜。
他指巴士公司規定員工或家屬可免費乘搭巴士，行使職員福利，不過必須要出示員工證或家屬證，再拍八達通卡。近日，他如常接載乘客，遇到另一間巴士公司的職員，對方一家幾口上車，斯斯文文。其中有個小朋友拍卡拍得太快，車長要求小朋友拍多次卡，小朋友的媽媽聽到之後情緒激動，指責他態度差，令全車人望住他們一家。小朋友的爸爸馬上幫口：「有乜問題？你唔好咁寸，依家你態度唔好。我小朋友張卡扣唔到係巴士公司部八達通機嘅問題，你應該客氣啲，禮貌啲請佢拍。」
港爸威嚇車長被揭是巴士公司高層
車長覺得他們一家很過份，反駁指自己態度沒有問題，還表示車上有其他乘客做見證。那位爸爸馬上威嚇他：「你令我成家難堪，如果你喺我公司做，已經叫你唔使開車！」他沒有被嚇倒：「架車有閉路電視，你再係咁騷擾我，我叫我公司稽查嚟處理。」港爸繼續威嚇他：「我唔阻成車人行程，唔坐。我提醒你，留意吓啲態度，我唔介意同你公司啲主任、經理傾吓你嘅問題。」
最後他們一家紛紛下車，後來他好奇問一問另一間巴士公司車長，才知道那個男人的確是高層，但他笑言自己由事後到現在都沒有被人秋後算帳。
網民嘲笑：全家都咁cheap
網民紛紛留言笑指那一家人威嚇別人，以為自己很厲害，要求多多：「高層唔係應該自己有司機車出車入仲要學人逼巴士」、「叫阿高層下次喺額頭度寫住『我係xx公司高層』，咁咪加個「請」字囉。你估你係李嘉誠咩，全港人認得你。」、「普通乘客被司機叫拍卡不難堪，真正難堪是在於他不覺得自己是普通乘客。」
