打工仔奇聞實錄 同事將生米煮成熟飯 附兩個辦公室有營食譜

打工仔奇招煮午飯、調飲品

近日就一名打工仔在Dcard討論區講述自己的同事在辦公室用電飯煲煮健康「住家飯」的奇聞實錄。該名打工仔見證住隔離位一個Auntie級的同事，在中午lunch前拿出一袋米,再倒入電飯煲煮飯，已完全超出想像。
不過帖文一出，立即引起不少打工仔的迴響，甚至有分享說曾見過有公司同事在辦公室調製咖啡奶茶和Cocktail，認真識歎，甚至有人分享自己的媽媽在辦公室有個煲仔用來煮公仔麵，更瘋狂的是有人說同事會在辦公室打邊爐，不愧是天外有天、人外有人！更有不少人大讚在辦公室自家煮不單有健康的頭腦，還可以省外出用膳的洗費，可謂一舉兩得！

微波爐簡易速成食譜

不過用電飯煲起壇煮飯的確太高調、很大陣仗了，若然被上司、老闆見到，抑或被人事部投訴，就予人不太好的觀感，分分鐘影響自己的形象。如果真是想堅持食得健康一點，又不是完全無辦法的，不妨參考以下這個微波爐簡易速成食譜，食得又新鮮又省錢：

一、鮑魚撈菠菜麵

材料：
罐頭鮑魚 1罐
菠菜麵餅 1個
白菜 適量

做法：
1.將菠菜麵餅和已洗淨的白菜，加入400-500毫升水放入微波爐加熱1分鐘
2.把麵餅攪散，將水倒去，撈起瀝乾水份上碟
3.打開罐頭鮑魚，將鮑魚擺在麵上，再連汁淋在麵上，放入微波爐加熱1分鐘取出，放下白菜裝飾，可按個人口味加入其他調味或薑蔥作點綴，即可

二、碎煙肉蛋沙律焗薯

材料：
美國焗薯 1個
碎煙肉 適量
蛋沙律 2匙
黑椒 適量
鹽 適量

做法：
1.將薯仔洗淨後，放入微波爐加熱4分鐘，反轉再加熱4分鐘（加熱長度視乎薯仔大小而定）
2.取出薯仔，切開中間兩半，用匙扒成薯蓉狀
3.加入蛋沙律，放上碎煙肉將碎煙肉切粒
4.放適量鹽和黑椒，即成

不消15分鐘就可以煮出飽肚快速，又有營美味的健康午餐。大家一於實行拒絕再食味精，即使日日在辦公室都可以食得有營又方便，食出真正健康「自家飯」。