財政大臣好幫手！1個手機App助媽媽管理家庭開支 1%活期年利率為小朋友未來儲錢
1. 享盡5% Super CashBack 精打細算冇難度
Mox Card最吸引人嘅地方就係部分指定商戶有成5% Super CashBack，有成高達HK$1,000嘅現金回贈，其他消費都有1%無上限現金回贈。
而呢啲5% Super CashBack嘅指定商戶陣容亦都相當吸引，包括係交上網費、電話費嘅1010、csl、網上行、HKT香港電訊、HKT家居電話都有齊，娛樂方面有Now TV、NOW E，啱晒一家大細喺屋企一齊睇吓電視用；間中想休息吓唔煮飯，有叫外賣嘅foodpanda；亦有購買有機麵食嘅素食網店及餐廳Green Common；連管理健康嘅雲端服務「e体健」都有！精打細算從此再無難度！
2. 幫媽媽整理好屋企盆數
屋企個個月燈油火蠟開支瑣碎，要處理呢啲開支都算麻煩。但作為屋企財政大臣，點都要整理清楚啲開支！
Mox就幫到媽媽手，系統提供清晰嘅即時消費分析，咁就可以知道開支分類，例如今個月屋企喺飲食、日用品、購物、教育等方面嘅開支。最厲害嘅係㩒入每個類別之中，仲可以清晰睇到該類別開支細項，例如飲食類別可以見到喺foodpanda、麥當勞及其他餐廳嘅消費，同一類別之中亦有圖表比較之前數月嘅開支。咁樣媽媽就可以輕鬆了解同分析屋企邊啲消費比較多。
3. 「目標」戶口幫小朋友開始儲蓄
好多媽媽由小朋友出世開始就想將佢啲利是錢收好，又想每年幫佢儲一筆教育基金，仲想畀小朋友體驗下儲錢係點，但係特登幫小朋友開儲蓄戶口又好麻煩。
不過就算唔開儲蓄戶口，你原來都有其他方法可以教識佢理財！用Mox就可以方便、隨時隨地開始幫小朋友儲錢，點做到？媽媽可以喺自己嘅Mox戶口入面開一個「儲蓄目標戶口」。
首先，媽媽喺App入面㩒「戶口」，然後就可以「建立新目標」，幫小朋友開「儲蓄目標」，效果就好似開咗個銀行戶口咁。可以將小朋友嘅利是錢喺媽媽嘅戶口裡面清晰分開之餘，設定「目標」嘅時候仲可以設定做小朋友個名，加返小朋友張相。之後打開個App就可以俾小朋友睇返佢嘅儲蓄目標，仲可以同佢一齊設定儲錢目標，計劃幾耐入一次錢，每次入幾多，教佢好好分配零用錢，從小習慣儲蓄，養成良好嘅理財觀念。同小朋友一齊望住個進度，真係會好有成就感！
*1%年利率以存款100萬為上限，計算後即一年最多有約1萬利息。
4. Live Chat 即時解決疑難
有時用銀行嘅手機App遇到有疑難，都想即時打去問銀行，但通常得閒嘅時候已經係深夜！Mox知道各位媽媽日理萬機，系統亦提供24小時全天候Live Chat功能。媽媽利用Live Chat就可以喺App內即時查詢，唔使親身去銀行。無論係唔知邊度做到上面講過嘅「建立儲蓄目標」，定係想知道點先可以睇到有咩商戶有5% Super CashBack，隨時都有專人幫你解答疑難！
