縱容5歲兒子搶玩具打人 怪獸家長語言攻擊其他小朋友：冇人想同你玩
撰文：Clara | 資料及圖片來源：「生仔要考牌」、shutterstock
怪獸家長縱容兒子為搶玩具打人
一名港媽於facebook專頁「生仔要考牌」發文，分享首次與家長爭執的經歷。日前她帶將近3歲的兒子到遊樂場，兒子正在玩一件類似望遠鏡的玩具，怎料被另一名男童搶玩具：「突然有個約5-6歲嘅小朋友衝咗埋嚟想搶⋯⋯」本來港媽認為小朋友搶玩具很正常，重點是身為父母會如何處理與教導。該5歲男童的家長都目睹事情經過，惟她只是口頭勸告：「唔好搶啦」、「你整到細佬呀」、「唔好搶啦」、「小心呀」而且只有作勢拉住兒子，但其實沒有明確阻止兒子搶玩具的行為。
港媽表示，當時她的3歲兒子繼續玩，而她亦有幫口叫那名5歲男童排隊，可是男童及他的家長依然不理會，對方甚至拉扯她的兒子，叫他離開，令港媽氣難消：「佢開始愈嚟愈大力去扯我個仔，而佢媽仍然係自言自語：『呀～唔好搶啦～』、『玩第二樣嘢啦』仲要無啦啦加句：『細佬你玩過第二樣嘢先啦』」
仔仔冷靜應對
雙方都不願意讓步，港媽眼見5歲男童欲向她兒子批踭，她終於忍不住鬧爆男童：「喂！你做咩搶啫？人哋玩先，你排隊啦！」怎料男童家長反鬧她沒有禮貌、不懂教仔。港媽不希望影響兒子，於是冷靜反擊，指男童不守規矩，但對方繼續鬧過不停。突然，港媽見到5歲男童出手打她兒子：「我睇到佢個仔突然打咗我個仔一下，雖然唔大力，但絕對係一手拍落去」港媽繼續沉著應對：「你個仔打我個仔喎！」對方知道後沒有道歉，而是夾雜粗口指罵港媽冤枉他們。
港媽終於再也忍不住，用粗口鬧男童家長，對方竟然連她3歲的兒子都鬧：「走開啦，無人同你玩！」港媽擔心兒子受驚，兒子卻十分冷靜地說：「姨姨，你唔好咁大聲講嘢啦。」令她非常驚喜。
擾攘一輪，5歲男童終於離開，港媽3歲兒子就指控剛才被踢。男童家長聽到後，又馬上發難鬧爆港媽教仔講大話，並對自己兒子說：「你放心！媽媽信你一定冇做過 ！」然後就去玩遊樂場其他設施，一直繼續周圍鬧人。港媽見到忍俊不禁，暗忖：呢個阿媽真心癲，已經超越咗怪獸家長，完美演繹「他只是個孩子呀」。
帖主補充指，男童家長看起來年約45至50歲，令她估計「老來得子」是那名媽媽溺愛兒子的原因之一。
網民指責怪獸家長
帖文引來不少網民熱議，網民指責縱容兒子打尖打人的家長有問題，是怪獸家長:「唔識教唔好生」、「佢仔似足佢阿媽都係咁癲」他們還大讚帖主兒子很有修養：「睇到囝囝表現已經反映晒何謂正確身教」、「樓主個仔好冷靜、有家教」、「好叻仔」。
