新手媽媽唔想晚晚通宵 逼滿月B自己瞓 訓練結果令人痛心惹網民爭議

撰文：Clara | 資料、圖片授權：Facebook專頁「生仔要考牌系列」

新手媽媽訓練滿月女兒自行入睡

有個網民於Facebook專頁「生仔要考牌系列」投稿，指自己在某個Facebook媽媽會群組，見到一名新手媽媽的帖文，覺得很心痛，所以想問大家有何意見。該位新手媽媽稱女兒剛滿月三日，現在她正訓練女兒不抱着也能自行入睡。每次她將女兒放在BB床上，讓女兒喊夠五分鐘，她就會抱起女兒一分鐘。她以為來回幾次就可以訓練到，怎料女兒連續兩小時不斷哭鬧、扭計。她解釋自己不想在產假完結後都要晚晚通宵哄女兒睡覺，未能休息，所以想盡早訓練到女兒成功自行入睡，她的生活能回到正軌上。她為此感到很苦惱，想請大家為她想辦法。

網民反對：點解仲要生？

網民看完帖文覺得很心痛，他認為家長早上要上班，晚上要照顧小朋友，不能好好睡覺的確很可憐，但他覺得這是每位媽媽生小朋友前已預知的問題，所以那位新手媽媽不應操之過急，強行訓練女兒：「人都知頭嗰一兩年會咁㗎啦」還反問：「如果你想有覺好瞓，點解仲要生？」他指小朋友仲可憐：「其實初生BB啱啱嚟到呢個世界，真係好無安全感，只係啱啱滿月就要被人訓練自行入睡，仲要喊咗兩個鐘真係好慘。」

其他網民炮轟新手媽媽太自私，既然只著重自己利益，未準備好為家庭犧牲、為仔女付出的精神，當初就不應該生小朋友：「有錢咪請個奶媽囉」、「我哋嘅教育制度係咪出咗問題，啲人愈嚟愈自私，連對自己仔女都可以自私，咁生嚟做乜，一出世識畀家用好唔好？」、「認真勸世，無心理準備要為小朋友付出好多嘅話，真係咪生小朋友」⋯⋯

網民支持：媽媽至少有抱佢理佢

但有網民支持媽媽決定，認為正常媽媽都想休息多點，想訓練BB自行入睡：「雖然滿月可能係早咗少少，我覺得個媽媽只係表達得唔好，未必係BB喊兩個鐘都唔理佢。」、「只係想請教吓如何訓練生理時鐘，媽媽表達唔好啫…或者咁對你哋嚟講好殘忍，但對媽媽呢？佢聽住BB喊唔心噏咩，佢都至少有抱佢理佢，唔會丟掉唔理」、「你哋話佢唔鐘意就唔好生，冷嘲熱諷，咁講對件事有幫助咩？」

資料、圖片授權：Facebook專頁「生仔要考牌系列」