《早霸王》｜2孩港爸食軟飯2年 揼邪骨 解釋做錯事理由 森美斥：黐線

撰文：Clara | 資料來源：商業電台節目《早霸王》| 圖片來源：SHUTTERSTOCK

因為太掛念前度而「揼邪骨」

事緣阿仁先講述與老婆相識的經過，他指自己曾經歷一場交通意外，在政府交通部門認識對方。當時她已經有名花有主，但他沒有放棄，決定力追，最終抱得美人歸更拉埋天窗，現時育有兩個小朋友。

他形容自己性格衝動、暴躁，有時行出街被路人踫撞也會發脾氣，又會去「揼邪骨」。事後，他自知違背諾言，故坦白跟老婆講，對方嬲到掌摑他。他解釋自己之所以「揼邪骨」是因為太掛念前度女朋友，還經常在老婆面前提及前度有多好。但森美質疑他是為自己做錯事找借口，還是真的太想念前度：「你係咪癡線？你掛住前度唔係去搵對方而係去揼邪骨，仲要同老婆講？你啲嘢好錯。」阿仁指自己沒有講大話：「總之我成日都忘記唔到前度，所以就搵啲藉口去宣洩。」森美指他很誠實，Marco也說︰「應老實嘅地方唔老實，應唔老實嘅地方就老實。」

食軟飯兩年呻老婆逼返工

阿仁強調現在已經沒有「揼邪骨」，被問到最近有沒有激嬲老婆，他指自己駕駛的士時曾偷望女生，又埋怨老婆逼他做的士司機養家，但自己根本不想做：「唔想揸的士，但老婆話一定要，因為之前食咗兩年軟飯冇做過嘢……」森美、小儀聽完好無奈，認為他「揼邪骨」、「食軟飯」後還得到老婆原諒，很誇張:「你老婆真係好愛你……好老婆真係好難搵！根本係你長唔大！」

《早霸王》助解決夫婦矛盾

主持們打電話給阿仁老婆阿敏之後，對方第一時間表示打錯想掛線，森美、小儀表明身份後，阿敏才願意傾談。森美解釋完來龍去脈後，阿敏竟然話她老公不是叫「阿仁」而是叫做「阿偉」，還堅稱不知道阿仁是誰，令森美一度以為自己打錯電話。

其後當兩夫妻駁通電話，「阿仁」才表明身份，指自己真名是叫「阿偉」。他公開對老婆道歉並承諾愛對方一生一世。最後主持們以鄭中基一首《無賴》作結，笑言這是史上最搞笑的一節。