疫情下港媽要求親戚入屋換完衫先好拜年 解釋家有1歲B仍被親戚斥無知
廣告
新冠肺炎疫情 回落，今日（2月16日）本地確診個案於新增少於10宗，而全球確診個案也錄得連續五星期下跌，雖然疫情稍緩，但世衛總幹事譚德塞表示不能放鬆。農曆新年假期剛剛完結，好多人都透過網上轉帳，如「Payme」、「轉數快」等來代替上門拜年，避免與家人聚集，減少感染病毒的機會。一名港媽於討論區表示，有親戚上門拜年， 所以她要求對方帶衫換，竟被嘲無知，港媽有感委屈，最後撰文訴苦。
撰文：Clara | 圖片來源：SHUTTERSTOCK
港媽憂疫情要親戚換衫先好入屋
拜年拜到鬧交？一名港媽於網上討論區發文，指家中有一歲BB同老人家，因為擔心大家抵抗力低，較容易染疫，所以自從疫情開始，她一回到家中就會馬上換衫，以免有機會將病毒帶入屋。平時如果有親戚探訪，港媽都會預先通知，叫他們換衫，但都會盡量避免太多探訪。去到新年，港媽順從老公意思，在家中宴客並邀請至親來吃飯。老公亦預先提醒至親帶衫換，但卻被某一位至親斥「無知」。
網民唔撐：做法失禮
港媽有感委屈，於是將此事放上網公開，希望尋求安慰，怎料不少網民認為港媽做法失禮，要求多多。網民指港媽會擔心是正常，但親戚覺得她麻煩也是正常，質疑港媽在疫情下還邀請人到訪家中作客，是「攞嚟衰」，惹是非：「倒轉有人請你去佢屋企食飯，要你帶埋衣服去換，你有無hard feeling？」、「咁緊張就唔好請人返屋企啦！」、「你親人太遷就你，唔代表其他人可以一樣咁對你」、「好肉酸，被唱足一世」、「唔出聲肯帶衫嚟，都唔代表佢哋好樂意，只叫肯畀面，食你嗰一餐飯唔係咩大恩大德。」
亦有網民認為只是換衫並不足夠，疫情下應一早拒絕所有親戚上門拜年：「根本唔應該叫人入屋，只係換衫，清潔唔足，應該沖埋涼、洗埋頭先叫清潔，之前電視有講過頭髮好易有菌」、「真係幾失禮，一係唔好叫人嚟啦。換衫有乜用，個人有菌，換10件衫都一樣」、「一齊食飯噴口水先至高危，換唔換衫係其次」、「除口罩食已避唔到，做多咗，好肉酸」。
零星網民支持港媽：做多好過做少
不過亦有網民支持港媽的做法，指很多人憂心疫情但又好掛住家人，只可出此下策：「會喺門口噴消毒劑同帶衫褲換，始終要搭車，娘家有老有嫩，寧願我做多，好過帶病菌入屋」。
