米水開奶谷肥BB有無問題？網民爭論：幫助成長 vs 唔好亂嚟
撰文：Clara | 資料、圖片來源：「生仔要考牌」、shutterstock
港媽用米水開奶餵雪糕 谷肥BB
網民於Facebook專頁「生仔要考牌」投稿，一開始他就很憤慨地說：「生仔要考牌，仔女出世食咩都要考牌」他指他有位港媽朋友的BB剛剛滿月，身體肥到好似「米芝蓮」一樣。他很好奇為甚麼BB這麼肥，港媽朋友解釋她一直以來都是用米水開奶餵BB。網民聽到非常緊張，他認為BB只有一個月，加上飲開人奶，連水都不應該飲：「人奶B係唔飲得水，就算係奶粉B都只係可以飲少少，因為會沖淡營養同埋對腎臟增加負擔。佢仲要用米水沖奶，對得一個月嘅BB嘅胃嚟講，真係好大負擔。」
而且，網民話港媽朋友還會餵BB食雪糕，嚇到他馬上留言提醒她不應這樣做，惟對方以粗口回覆：「關你X事」網民感到非常無奈。
網民表示自己常常於媽媽谷看到很多父母會餵一些幾個月大，甚至初生嬰兒吃中藥，令他很無言：「我想講其實BB身體唔係咩都受得，做咗人父母啦，唔好咩都人講你就信，不如自己做吓資料蒐集，同直接問醫生啦！咩都畀BB食，考番個牌先生啦，好唔好？」
港媽抱B手勢不當
後來網民查看港媽朋友的社交網站，見到她抱BB的手勢不正確，睇到他膽戰心驚：「見到佢抱BB嗰時無托住條頸，要個B行路又chok吓chok吓、跳吓跳吓咁砰住佢。得一個月多幾日人仔，啲骨同條頸仲好軟、好易整親，為咗影張相曬命話你個仔有幾叻，就要搵個仔較飛？咁做人阿媽㗎咩？」最後網民決定不再提醒港媽朋友，還關閉她的新帖通知：「無眼屎乾淨盲，唔想自己眼火爆，真係希望佢個仔可以健健康康成長。」
網民爭論餵米水是否可行
帖文引來不少網民爭論，有網民就話一向用米水開奶，認為可以讓BB更加健康：「用米水開奶就問題唔大，我識有BB都係因為食奶差同成日嘔奶，用咗米水開奶就好番好多，個個人有唔同湊法」、「其實一個月已經可以用米水開奶，清熱健脾，識唔識嘢㗎？」有網民就話不應該亂餵BB，應事先問醫生專業意見:「識得有人真係唔肯聽醫生講，但會信啲坊間秘傳」、「呢個時代啲人自以為自己教育程度高咗，成日會學人質疑醫生或其他專業人士，但好笑就係唔會質疑古法或迷信習慣」。
