兒子入醫院 港媽請假3星期照顧訴苦況 又攰又暈求老公幫忙 因一事為由遭拒

撰文：Clara | 資料來源：Facebook專頁「巴打絲打13親子育兒Facebook Club」| 圖片來源：TVB劇集《On Call 36小時》

港媽請假3星期照顧住醫院兒子 身心支持不住

近日一名港媽日前在Facebook專頁「巴打絲打13親子育兒Facebook Club」發文，指兒子患病，需要在兒科病房留院五至七日，接受抗生素治療。由於疫情關係，醫院規定只容許一個大人入院陪同小朋友直到出院，所以這名港媽向公司請了三個星期假，全時間照顧。不過要全職照顧小朋友並非易事，一來她兒子有時候心情差會發脾氣，要她不斷哄，哄到其情緒平伏下來，令她覺得很疲倦；二來連日來陪伴在兒子身邊，勞心勞力地照顧，令她體力不勝負荷，身體開始不適。

求老公幫忙遭拒 心淡決心獨力照顧仔女

事後港媽逼於無奈致電給老公，坦言自己的苦況：「不如調轉你嚟陪個仔啦，我真係好攰好暈，撐唔到落去…」，希望對方能夠跟自己換更，不過對方竟然冷血地拋下一句「唔可以，聽日要返工」拒絕其要求。她非常憤怒，不明白為甚麼自己能冒著被解雇的風險，放棄上班，將兒子放在第一位，而老公卻不可以。

她對老公毫不體諒的態度表示失望，稱藉此看清對方是一個人：「老婆仔女有事時，原來份工先係最緊要，（佢仲要打屋企工）」。為母則強，面對不負責任的老公，她決定不再依靠對方，決心獨力照顧好仔女，再辛苦都不怕：「為咗我對仔女，呀媽一定會堅持到底。」

正反網民各持己見

有部分網民支持港媽，覺得另一半不合作湊仔，的確會覺得辛苦又無助：「返工大晒咩？全世界得你一個要返工」、「男人唔會知道喺醫院係幾咁無覺好瞓，一句話要返工就成件事理所當然」、「是但啦，佢老時入醫院，老婆同仔都唔得閒入去探，因為要返工。打和super」、「三樣嘢會睇得清楚個男人、錢、病、生咗仔女之後」。

不過亦有部分網民認為港媽小題大做：「好多媽媽慣咗有人幫手湊仔，一去到自己戰鬥嘅時候就叫晒救命，咪當自己入產房要生仔，除咗自己無人可以幫到你。真係覺得冇必要咁誇張！」有網民就安慰港媽，指她老公是因為上班，而不是出街玩不理妻兒，可以體諒：「好多男人都唔想同腦細開口講因為小朋友病而請病假，可能係面子同尊嚴問題？有啲工真係請假難，自己病都未必請到假」、「又唔好怪男人，有好多人份工一請假人地當你玩嘢，工都無，到時無錢睇醫生仲衰」、「老公係因為返工係情有可原，如果你話佢唔係返工而去咗玩就話啫。我仔入過幾次醫院，老公都係要返工，但夜晚收工一定嚟醫院睇仔同等我搞點晒，佢先返屋企。」

當然都有夫婦合作的完美例子，好像有位網民話：「阿仔兩歲入院，我陪佐一晚，第二晚老公收工嚟替我，叫我返屋企訓好啲，驚我崩溃，第二朝又返去換老公去返工，感恩，互相扶持。」即使單親媽媽，都有網民話無問題，一個搞掂：「自己醒水，去醫院前執定小朋友個『走佬袋』，隨時做好入院的準備！我試過小朋友入院，嘔到我成身都係，我一樣自己一個人照顧，無人換更，無人拎衫嚟醫院畀我！」