媽媽獨力養家賣樓借錢助欠債老公 港女一意外揭父出軌糾結應否踢爆

撰文：Clara | 資料來源：網上討論區｜圖片來源：SHUTTERSTOCK

媽媽不離不棄獨自養家

事緣女網民於網上討論區以「發現左（咗）老豆（竇）出軌，唔敢話比（畀）媽知，點算？」為題，撰文向網民求助。她指她爸爸本來是個商人，惟生諗失敗，搞到欠債纍纍，全家經濟壓力極大。她媽媽並沒有在他人生最低谷時離開，反而甘願共患難，先賣樓，又硬著頭皮問親戚借錢，兼負起養家的責任。她爸爸找不到工作，她媽媽馬上打本，給他做小生意。多年來，她與媽媽的生活過得清貧，她形容是「捱咗好多年」。

爸爸不懂感恩還背叛愛人

近年，她爸爸的生意開始上了軌道，賺到少少錢，全家生活輕鬆不少，當她以為終於能夠解決所有問題，才發現有更大的噩夢等待著她。無意間，她在爸爸電話中見到他與另一個女人的對話，二人互相暱稱做「豬豬」。她指平時爸爸行事很小心，與她媽媽正常相處，但關係不算是親密，之前從無露出破綻。如今，她正在糾結應否踢爆爸爸，將此事告訴媽媽聽：「原來男人有錢就真係會身痕，我依家唔敢話畀我媽知…..究竟我應唔應該踢爆佢？」

網民提供兩大解決方法

有網民指該位女網民只是見到對話紀錄，或者當中有誤會，他們建議她先私下與爸爸或爸爸信得過的親戚傾訴。如果已肯定爸爸出軌，女網民應問爸爸有何選擇。假如爸爸緊張家庭，肯洗心革面，網民覺得女網民永遠不要再提這件事，因為這樣做對媽媽、對家庭的傷害最低：「出軌一係永遠都唔好畀對方知，一知道咗個關係就返唔到轉頭。假設你媽未知，真心建議你呢個階段千祈唔好畀媽媽知，佢會好痛苦。」

但假如她爸爸不願意改過，女網民有兩個做法，第一，找機會直接同媽媽講：「捉你阿媽飲coffee/tea，冷靜咁同佢講前題佢無任何心理病。既然你阿媽都咁錫你屋企，你就應該任何事都以佢嘅角度去諗。」第二，繼續扮不知情：「你阿媽可能一早知啦，佢哋一張床，見到電話有幾奇，就係為咗你佢先唔出聲，扮唔知，你走去篤爆佢，你想佢點？」