【家事法寶】3合1香港專用配方＋史上最強抗菌力＋完善售後服務

小朋友終於放暑假啦！唔知各位爸爸媽媽安排咗啲咩活動同興趣班俾小朋友參加呢？抑或已經計劃好嚟一趟開心親子旅行？不過呢兩個月天氣真係好翳侷悶熱，搞到大家體感溫度飆升不停出汗，好多家長都苦笑話，雖然出多啲汗有助新陳代謝，但變相一家人每日就換同洗多咗衫，連洗衣液都用多咗咁話！加上香港夏季潮濕又成日落雨，搞到啲衫就算洗完都仲有陣噏味，出街見人時都幾尷尬吓，係時候介紹返大家試用「Ariel抗菌3D洗衣膠囊」啦！

消委會最高評分全效洗衣劑

點解推介？因為Ariel洗衣膠囊喺日本連續三年登上銷量No.1! 逾九成日本家庭主婦表示想再次購買，單憑回購率呢點就證明有幾好用！早前香港消委會仲測試咗全港市面34款洗衣劑，結果發現日本製嘅Ariel洗衣膠囊，無論喺整體去污效能（尤以去除油漬表現最佳）、潔白程度、固色程度等，各方面表現都獲得最高分數，更因此贏得「去污之王」嘅稱號！由於日本同香港嘅天氣同家居環境有唔同（香港比較潮濕悶熱），所以品牌特別針對香港嘅天氣同環境，好窩心咁推出咗香港專用配方，而且相比一般洗衣劑擁有史上最強抗菌力𠻹。

3合1 ：抗菌除臭＋深層去漬＋潔淨亮白

小朋友精力旺盛，梗係要趁暑期同佢哋去戶外吸收維他命D，一齊開心做運動狂出汗啦！但大量汗漬混合人體皮脂分泌後，再溝埋喺唔同場合同交通工具接觸到嘅細菌，就會滋生大量細菌，仲搞到啲衫成陣酸臭味，而Ariel洗衣膠囊唔單止有效去除多種家庭常見嘅污漬，更擁有史上最強嘅抗菌除臭功能！只要1粒就可以 KO成機衫，仲可以深入衣物纖維，由根源去除衣物臭味，令衣物回復無菌潔淨狀態，同時又有固色亮白功效，就算洗幾多次都好似新衫一樣，好似小朋友校服、日常便服、返工衫，呢類成日要穿著洗換嘅衣物就最啱啦！

簡化家務＋正面導向小朋友幫手

「Ariel抗菌3D洗衣膠囊」另一好處係遇水瞬間溶解，唔駛量又唔駛倒，更加唔會有手誤落多咗份量嘅情況出現。只要將衣物放入洗衣機內，拋入一粒3D洗衣膠囊，調校相關洗衣設定後開機就得！由於過程輕鬆簡單加上正值暑假，各位爸媽不妨按家中小朋友嘅年齡同能力，鼓勵佢哋幫手擔任家務小助理，分別負責放污糟衣物入洗衣機（留意前置式適合年齡體型較細嘅小朋友，掀頂式適合年齡體型較大嘅小朋友）、拋入洗衣膠囊（要乾手拋）同幫忙晾摺衣物等，期間仲可以借遊戲方式增加小朋友幫手嘅意欲，藉此培養小朋友自理力及同理心，順便鍛鍊各大小肌肉。

藍色經典配方VS 綠色室內晾衫配方

細心留意會發現「Ariel抗菌3D洗衣膠囊」有分藍色同綠色包裝。藍色包裝係大家最熟悉嘅經典配方；而綠色包裝就係專門針對室內晾衫環境而設計，強調用後衣物好像俾太陽曬過一樣咁清新，兩種配方都好啱受土地問題影響嘅香港家庭用呀！購買時記得認明包裝上紅色標貼，先係100%日本製造兼直送到港嘅正牌行貨呀！由即日起至8月26日，只要購買「Ariel洗衣膠囊」兩件，就即刻可以享有8折優惠！

Ariel抗菌3D洗衣膠囊

鎖售點：AEON、HKTV mall.com、百佳超級市場、惠康超級市場、士多、香港蘇寧