兒子iPhone手機跌落坑渠 港爸因一理由要渠務署賠錢遭炮轟

撰文：Clara | 資料來源：「將軍澳討論區」| 圖片來源：SHUTTERSTOCK、渠務署官網

兒子iPhone手機跌落坑渠 港爸要渠務署賠錢

近日，一個港爸於Facebook群組「將軍澳討論區」撰寫帖文，指兒子日前於將軍澳唐明街走路時，因為坑渠蓋輕微凸起，所以不慎「差錯腳」跌倒，當時他手上的iPhone 11 Pro手機正正跌在坑渠內。港爸表示該iPhone手機上個月才新買，如今卻因為坑渠蓋凸起，絆倒而弄跌，他覺得政府應該為意外負上責任：「請問有沒有方法向渠務署或管理處要求取回及賠償手機？」

網民批港爸推卸責任

可是一班網民沒有同情事主，反指他兒子一邊行路，一邊用電話，沒有留心地面情況，只會推卸責任：「你自己個仔一路行一路玩電話仲想要人地賠畀你？你企出馬路玩電話，被車轆你，你唔好叫晒所有司機賠錢畀你？」、「行路就睇路啦，掛住玩電話跌倒怪得邊個」、「我睇完你個帖文笑到跌落地，傷咗尾龍骨，係咪你賠湯藥費？」

渠務署24小時熱線幫到手

亦有網民認真建議港爸打去渠務署24小時熱線2300 1110求助。原來物品不小心跌到坑渠中，可不用親手走入去執拾，打到渠務署求助，署方即會派出專業人員幫忙揭開渠蓋，透過敲渠管找回物件。例如於2019年，一名港男張先生於泊車時人有三急，不慎將車匙跌入坑渠。他與其他熱心市民曾嘗試自行勾出車匙，惟均告失敗。他手足無措下致電渠務署，四名職員來到後不斷撥泥找車匙，輪流接力，途中他們還細心叫張先生避開，以免弄髒衣股，最後他們成功找回車匙，先用清水洗乾淨才交還張先生，令他大為感動：「我諗我呢世都唔會忘記今日嘅事。」