真實評鑑｜Impossible™️植物肉 10位媽媽真實試食後感｜MaMa親評

Jan 26 2021

植物肉近來掀起一股熱潮，不少餐廳亦推出了植物肉的餐單及食譜。植物肉比起傳統牛肉更能有效保護環境，不過它的口感及味道又與傳統牛肉有多相似？

早前SundayKiss MaMa親評向10位媽媽送出「Impossible™ Beef Made From Plants」，讓她們親身嘗試植物肉的味道及口感。不可能植物肉相比傳統牛肉環保，更可以提供豐富的營養。用植物肉烹調不同菜式，就可以讓小朋友享受美食之餘，減少對地球的傷害！

Impossible™ Beef 簡介

與同一份量的傳統牛肉相比，整個製造過程能減少96%土地使用量， 87%用水量及89%溫室氣體排放量
蛋白質和鐵質含量與同一份量的傳統牛肉相近
0毫克膽固醇（每113g食用份量只含8g飽和脂肪及0g反式脂肪）

有關產品詳情可瀏覽：impossiblefoods.com/hk

KISS MaMa親評邀請10位媽媽推介真實試用效果，到底植物肉的味道和口感能否成為媽媽們的新選擇呢？各位媽媽又會否推薦？

大小姐-在職媽媽二三事

一直都聽人講植物肉好似傳統牛肉，今次終於可以一試！打開包裝，其實佢同一包傳統的免治牛肉無分別。同平時整肉丸一樣，加入配料，撈勻就搓成球狀去煎。佢真係會好似傳統牛肉咁由生肉嘅紅色變做熟肉嘅顏色，好神奇！煎好加埋茄汁，鋪芝士焗一陣就食得。依個植物肉丸真係同傳統牛肉丸一模一樣，唔講真係唔知自己食緊素！植物肉真係好適合我呢啲戒口唔戒心嘅人！

Tracy Chung

其實就咁睇已經唔係好相信依舊唔係肉😂望個樣真係好似！🤩煮緊嗰時都有擔心會霉晒，但點知又冇喎！除咗係散咗少少同淋咗少少之外，食落個口感都好有咬口😆而且仲少咗傳統牛肉嗰隻好油膩嘅感覺，但係都係少咗啲肉香嘅！😌不過對於素食或者注重健康嘅人士嚟講，又想食下肉都係個唔錯嘅選擇👍🏻

Lizzy

未煮之前肉嘅顏色超似牛肉，聞落去好似有少少調咗味，今次煮咗咖喱牛肉碎落咗洋蔥、黑椒、蒜、少少白胡椒粉，同埋咖喱粉。👍🏻 一開始落鑊嘅時候都幾香，同埋啲肉碎都幾容易炒散，落咗洋蔥同埋酸炒出嚟個感覺都好似傳統牛肉碎😁，加左咖喱粉同少少水收汁，都吸味。試食完個口感幾正😍，不過肉味就無傳統牛肉咁濃啦。

Jessica

今次將Impossible植物肉加入蒜蓉、百里香和少許黑椒釀入大啡菇，先焗熟後再鋪試芝士，將芝士焗溶，家人都十分喜歡這道菜式，讚不絕口。我一開始沒有指明是用了植物肉，他們也吃不出與傳統肉類的分別。直至我講他們才知道，更非常驚訝，覺得幾好味！一包Impossible植物肉份量夠多，足夠釀2隻大啡菇兼有餘，所以我製成肉丸，一樣好味！味道方面，Impossible植物肉不用特別加鹽已經夠味，更可吃出原汁原味，非常不錯！

Garcia pang

今次很高興能夠為不可能植物肉寫感想。我利用了植物肉做了芝士焗肉醬意粉作為今天的晚餐，因為本身也擔心植物肉不知道是甚麼味道，因此也加了少許豬肉碎諗住中和一下，比例大約是5份植物肉1份豬肉碎！結果完全分不出豬肉和植物肉，口感完全一樣！可以推薦給素食的朋友食用！

Tilly Lai

「不可能植物肉」口感非常之似傳統牛肉，有濃郁的牛肉味道，但卻沒有傳統牛肉的油脂感，口感嚼勁少Ｑ彈，有少少微甜之外，它可以配搭想要蔥、薑、蒜、印度香料都可以。對我來說，它非常方便使用，只需十分鐘，就能烹製又美味又環保的小食。

Christy Wong

收到Impossible Beef 第一個諗法就係整肉醬意粉，啲植物肉真係好似傳統牛肉咁慢慢由紅肉轉成啡色，不過有啲痴底。香味同傳統牛肉有啲似但無咗牛膻味。加埋蕃茄、bay leaf、Rosemary一齊燉，再淋上煮好嘅penne pasta就可以食啦，食上去啲肉質比傳統牛肉淋，味道唔係好似傳統牛肉，但以植物肉嚟講都做到有6-7成似肉。

Momoko Lau

解凍速度同煮熟嘅速度都比傳統牛肉快，其實顏色上都非常咁相似，尤其係煮熟後，如果唔係特別講明嘅話，係視覺上係睇唔出有太大嘅分別。但醃嘅過程發現比較易散開，亦冇平時肉碎嘅嗰種起膠嘅感覺。

Janus Lau

第一口吃下去是有驚喜的，感覺像吃漢堡包的牛肉，當刻亦非常後悔沒有用西式的食譜烹調。味道方面，植物肉再加上自己的調味，食落與傳統牛肉相似。肉質方面，雖說質感不會太過鬆散，但始終有別於傳統牛肉，吃的時候有非常明顯「一粒粒」的感覺。若果用來當蒸肉餅，味道與質感應該會與用上傳統牛肉做的肉餅有少少分別，肉質亦不會厚實。但若然用作肉碎烹調，例如肉醬意粉等，質感與味道應該會與真正的牛肉碎不會有太大的分別。