新手媽媽 陳敏之 分享懷孕喜悅
有人問敏之會選擇開刀還是順產？她會選擇開刀，預產期在12月，其實在決定前，她曾請教好多媽媽，最終結論是缺乏勇氣順產，但沒有勇氣的原因並非怕痛。「以前拍戲試過斷骨又整親頸，我本身不太怕痛，我最擔心反而是順產的過程，有人試過陣痛十幾個鐘都未生得，結果發現BB臍帶纏頸要立即開刀，還有很多難以估計的情況，所以為BB安全著想，我會選擇開刀，有計劃地生出來，可以避免危險。」
不少媽媽們分享順產比開刀好，因身體復原會快一點，敏之自己都有心理準備。「當然傷口要半年先好返，又會有疤痕，不過現今醫學先進，相信不會對身體太差。我反而覺得坐月要坐得好、食得好，最重要補身。其實未有BB前，我體質好虛弱，冷氣大少少已經要著褸，甚至要著羽絨，但有了BB之後，體溫升高，身體感覺強壯一點。我想如果坐月坐得好，可能身體會比生前更好，這個算是生BB的一個好處，幫身體循環再調理一次。」
當敏之知道自己有了BB後，最期待就是胎動。「頭三個月，已經好心急想知是否真的可以感覺到胎動，到第5個月時感覺到BB少許郁動，直到現在6個月，很明顯感覺他會踢手踢腳，有時吃飽他會動一下，凌晨一、兩點胎動最厲害，BB好活潑，像魚一樣在肚內游來游去。我覺得陀BB係件好幸福嘅事，感覺好奇妙好神奇，有時會唔想佢咁快出世，因為同佢二為一體心靈連繫住那種感覺好正！」
敏之很喜歡小朋友，但問到會否生第二個時，她有一點猶疑。「如果後生10年，就一定會生多個。因為將來父母年紀大，兩兄妹或兩兄弟可以互相有個照應，而且兩個一起成長，始終比獨生子好。不過始終要生完第一胎再決定，看看辛苦與否，身體能承受與否，如果一切ok，我會生兩個，但兩個就夠，再多就唔會了。」
作為 新手媽媽 ，敏之也有很多問題，她趁機與看直播中媽媽們討論懷孕的飲食忌宜。因為有人叫她多吃芝麻糊，說會令BB頭髮、眼睫毛濃密一點，但又有人說太早食會滑胎，媽媽們都紛紛分享自身經驗，敏之自己則計劃到第8、9個月才食芝麻糊，現在則一個星期食一至兩次桑寄生蛋茶、紅棗蓮子茶，不過她也提醒要注意糖分不能過高，否則易有妊娠糖尿病。此外，自從知道有BB後，敏之每天都會吃兩隻有機雞蛋，「有機雞蛋貴少少都值得，因為真係肥B不肥人，醫生話囝囝的size幾好，我相信有少許關係。」
想睇 陳敏之 的更詳細訪問，就要留意雜誌出版喇！
