老公覺得俾$7000家用就夠 網民：邊夠呀？
廣告
在傳統社會，一般都是男主外，女主內，男的在外打拼，女的管理一切日常大小事務及開支，不過要維持一頭家，要幾錢先夠呢？有媽媽在討論區留言，指自己是一個全職主婦，BB今年出世，老公搵三萬一個月，打算俾$7000家用，問網民一家三口平日的使費是多少，$7000家用夠唔夠用？
撰文：Sunday Kiss
老公覺得俾$7000家用就夠 網民：邊夠呀？
這位媽媽在討論區留言，問網民一家三口的日常開支應是多少，當中包括一日三餐，水電煤、BB用品，奶粉及家庭日常用品等其他雜費。有網民就直斥：邊夠呀？
有網民就覺得都夠用。
7000如果唔包屋租，剩係伙食同你2個人的開支都ok嘅
有網民就列出基本開支，真係要紮緊褲頭先可以生活。
一罐奶粉$350，初生B一星期飲一罐半， 一個月$1700；
尿片平均$2張， 一日10次片，一個月$600。
每日買餸$100，一個月$3000。
仲要買家居用品（厠紙、沐浴露）、BB用品（濕紙巾、BB衫仔等）、交通費（帶BB去健康院）雜費一個月$1500。
加加埋埋都$7000啦！仲點計埋水電煤？BB病咗睇醫生又點算呢？
有網民認為可以列出每日開支，再俾老公睇先可以講道理。
老公唔識計數唔緊要，以後自己試下記數，把日常開支記下，之後再同佢講道理。
如果老公真係盡咗力，有網民就建議不如將小朋友放育嬰院，自己出嚟工作。
如果老公經濟能力只可比$7000，你不滿都冇辦法。一個家，大家都要付出。
不如你諗下，生完放BB育嬰院，自己番工增加收入吧。
兩公婆要慳，溝通真係好重要！
如果你想同佢繼續過人世，我覺得大家可以合作，商量點樣共渡時艱。
其實比較省到有可能係食，兩個人商量點樣可以食平啲，買餸點買又有營養又平，都係一門學問，要去學習。
或者叫老公設身處地諗下。
你俾返$7000佢湊仔，你出返來做嘢，你問佢得唔得？$7000真係唔夠！
相關文章：家庭主婦月薪計 老公一定俾唔起！
關鍵詞
家用
