蘆根薏米雪梨水食譜 潤肺生津
廣告
雪梨水食譜｜其實我最初都只是打算煲用薏米來煲雪梨水，正當我去藥材買材料時，店員就叫我加蘆根、銀花同甘草一齊煲，有清熱袪濕、潤肺生津等功效，而且仲對濕疹好好，可以清內熱。一聽到話對濕疹好，當然即刻執份材料回家煲。店員仲教我，這個蘆根薏米雪梨水可以清臟腑熱，如果準備接種預防疫苗的小朋友服用，可以緩減打針後不適。不過藥材好因應個人體質，所以記得煲之前了解下自己，或者問相熟藥材店職員。
資料、圖片來源：小小豬Kinsey｜編輯：Sunday Kiss
蘆根薏米雪梨水
蘆根我之前都煲過，所以都知道有少少庶味，今次加雪梨一齊煲，甜甜地又幾好飲，小小豬都飲得好樂意。
蘆根薏米雪梨水材料
| 雪梨 | 四個 |
| 蘆根 | 隨心 |
| 薏米 | 隨心 |
| 銀花 | 隨心 |
| 甘草 | 隨心 |
基本上所有材料能在藥材店買到，只需要同店員講有幾多人飲，他就會執好所需份量，我三人份量都只是$15。
蘆根薏米雪梨水做法
- 雪梨洗淨去核切塊。
- 所有材料要浸洗半小時。
- 將全部材料及1L水放入煲內。
- 待水滾後轉用慢火煲約1小時。
- 待雪梨水涼後入樽，就可以飲得。
