【湯水食譜】2款牛大力土伏苓食譜：平肝潤肺、強筋活絡、小兒合飲
資料及圖片來源：小小豬Kinsey｜編輯：Vicky
牛大力功效
牛大力，別名山蓮藕、大力薯，是豆科植物一種，具有平肝潤肺，強筋活絡之用，因此對於腰肌勞損、風濕性關節炎、肺虛咳嗽、慢性支氣管炎等疾病甚為有效。牛大力氣味甘甜，而且性質溫和，適合大部分人食用。
牛大力：有助補虛潤肺，強筋活絡，治療腰肌勞損；
土茯苓：除濕解毒、通利關節，有效治療皮膚痕癢；
粉葛：有清熱下火、生津之效，尤其對於骨火、胃火盛者功效顯著，而且仲可以治療熬夜頸背筋骨酸痛；
扁豆：健脾和中，消暑化濕；
赤小豆：利水除濕，和血排膿，消腫解毒；
紅蘿蔔：有健脾助消化、潤燥明目；
陳皮：理氣健脾、燥濕化痰；蜜棗止咳潤肺、化痰平喘功效。(網上資料)。
材料：
牛大力一條
土伏苓一個
粉葛一個
紅蘿蔔一條
赤小豆一兩
扁豆一兩
豬骨$50
陳皮一角
蜜棗4粒
小貼士：
牛大力、土茯苓都係買新鮮嘅，可以係街市濕貨店買到。買嘅時候同店員講飲嘅人數，佢地就會幫忙執相關份量，而且仲會幫忙處理添！
做法：
1. 牛大力、土伏苓及粉葛由於已經切好晒，所以用水沖洗幾次
2.蜜棗、赤小豆及扁豆浸洗一陣
3.陳皮浸軟刮囊
4.豬骨洗淨，隨水開始汆水
5.煲內加入約4L水，然後加入陳皮
6.待水滾後加入所有材料
7.繼續用大火加蓋煲約30分鐘~之後轉慢火加蓋煲多2.5小時
8.最後加鹽調味，就飲得啦
2. 煮成茶都得！牛大力土伏苓茶
由於上個湯水食譜煮出來的湯是烏烏黑黑，湯渣較多，即使味甜，小朋友見到都未必鍾意。所以Blogger再向大家介紹牛大力土伏苓茶，有益之餘，甜甜地又有蔗味，絕對適合各位大小朋友。材料上只有少許分別，甚至更為簡單——煲湯是用新鮮的牛大力和土伏苓（濕貨），而煲茶則是用乾貨。分別在於乾貨（即一般藥材店買到的材料）是經過切片晒乾或者先蒸熟再曬，不會這麼寒涼，適合不同體質人仕，尤其小朋友！
材料：
牛大力一両
土伏苓一両
糖冬瓜約十條
腰果半碗
做法：
1. 將所有材料清洗乾淨
2.煲內放入8碗水
3.然後加入所有材料（糖冬瓜除外）
4.待煲滾後，就可以加入糖冬瓜，然後用大火加蓋煲約10分鐘
5.最後加蓋慢火煲30分鐘
6.煲好後先隔去材料，待涼後就可以飲啦
常見問題:
牛大力的別名是?
別名山蓮藕、大力薯，是豆科植物一種。
牛大力的功效是?
有平肝潤肺，強筋活絡之用。
多雨潮濕的日子，適合飲嗎?
適合。
牛大力的別名是?
別名山蓮藕、大力薯，是豆科植物一種。
牛大力的功效是?
有平肝潤肺，強筋活絡之用。
多雨潮濕的日子，適合飲嗎?
適合。
