健脾化濕 雲苓蓮子薏米南豆黃瓜湯
廣告
想健脾 化濕就要想想辦法，話說我上次煲准山赤小豆扁豆湯時，就係因為那一陣重豆味，所以小小豬在不情願之下飲。現在天氣需要袪濕，所以我請教相熟藥材店職員，最後他教我煲這個雲苓蓮子薏米南豆黃瓜湯。今次終於不用三催四請，小小豬自動自覺拿湯來飲，還要求我下次再煲這款雲苓蓮子薏米南豆黃瓜湯添。
資料、圖片來源：小小豬KINSEY｜編輯：Sunday Kiss
健脾化濕 雲苓蓮子薏米南豆黃瓜湯
雲苓有健脾祛濕功效；蓮子就可以清心醒脾，補中養神，健脾補胃；薏米是袪濕良品。而南豆又叫做南扁豆，對健脾益氣、化濕消暑都好有幫助，所以如果不鐘意赤小豆及扁豆那陣重豆味，可以改用南豆，因為功效差唔多。這幾樣藥材加黃瓜一齊煲，就可以健脾化濕補氣，最重要是煲出來白雪雪又清甜，小小豬應該會鐘意。
健脾化濕 雲苓蓮子薏米南豆黃瓜湯材料
| 豬肉眼 | $40 |
| 黃瓜 | 1個 |
| 蜜棗 | 4-5粒 |
| 雲苓 | 少許 |
| 蓮子 | 少許 |
| 薏米 | 少許 |
| 南豆 | 少許 |
健脾化濕 雲苓蓮子薏米南豆黃瓜湯做法
- 瘦肉洗淨汆水備用，藥材就浸洗一會兒。
- 黃瓜去籽切塊，切大塊一點都不怕，否則太細會溶。
- 煲內放約3L水，水滾後放入所有材料。
- 待再次滾起時，先繼續用大火煲約15分鐘。
- 然後加入黃瓜。
- 用大火煲約15分鐘，再轉慢火加蓋煲1.5小時。
- 最後加入少少鹽調味即成。
健脾化濕 雲苓蓮子薏米南豆黃瓜湯小貼士
溫馨提示：由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！
資料、圖片來源：小小豬的成長日誌
