《Do姐再Shopping》節目未曝光爛Gag：Do姐著絲襪防狼

Nov 30 2017

《Do姐再Shopping》集集都笑唔斷氣，但相信觀眾係唔會夠喉的。TVB放了不少絕密未曝光、冇喺電視播過的片段，比節目更加爆笑，一齊睇下精選4大笑位啦！

文：Cynthia｜圖：TVB | 原文：新假期

01｜《Do姐再Shopping》 Do姐專用防狼絲襪

第一集《Do姐再Shopping》去到專賣山系用品的MORIPARK Outdoor Village ，4人大行日本高質山系用品，可以防水防UV防風，其中一條褲透明到好似絲襪咁，Do姐就好好奇係同來防咩？陸永妙回：「只要Do姐著咗，就可以防狼！」但Do姐就反而想買畀陸永著，唔通Do姐咁重口味⋯⋯

去到介紹做outdoor爐具起家的品牌，C君突然回想起自己的身世，一時感性起來，大爆：「人哋係做爐具起家，我就做奴隸起家！」聞者傷心，Do姐聽到都忍唔住「嘖」咗佢一聲！

Shopping完後，Do姐再帶大家去試戶外都可以煮到的美食，被翠如問到和牛點整時，擁有大智慧的Do姐講解教學：「總之我就整到啦！」農夫即時和應狠批翠如：「你咩都問嘅，不如問下量子力學！」

最後的甜品apple pie 賣相吸引，Do姐仲教大家點整。「首先要有apple，之後再有pie，成個就係apple pie！」C君雖然奴隸出身，都讀過下書，即刻聯想到「有PIE(π) 就可以計直徑」，果然好聰明！

第一集佢哋除咗攀石同做瑜伽，仲湊下近年好興嘅camping熱，去左呢間由日本人創立嘅戶外用品店shopping呀，節目無足本播晒，惟有在facebook畀大家like and share！去片～

關鍵詞