「勁秋雞」秋季相集 張達倫 半裸抱囝囝影寫真
廣告
38歲張達倫(Max)去年11月與圈外女友陳鳳玲(Kimmy)結婚，今年4月宣布太太懷孕喜訊，上月12日Max榮升爸爸，太太為他誕下麟兒Zachary，仲有個乳名叫做「勁秋雞」，Zachary雖然都仲未滿月，但張達倫急不及待找攝影師幫BB影一輯秋季寫真，可愛造型當然不少得，最搶眼仲係爸爸張達倫半裸上身抱住冇著衫仔嘅「勁秋雞」影相，好有愛呀！
撰文：Sunday Kiss
圖片：Maxc@Instagram
張達倫 餵勁秋雞食奶
張達倫雖然是新手爸爸，但他出名是愛妻號的他，只要不用工作都會待在家幫手，減輕太太湊BB的壓力，日前是他和太太的結婚周年紀念，一家三口外出食飯慶祝，期間張達倫都有餵奶畀BB飲，手勢相當純熟！
秋季造型好可愛
有子萬事足的張達倫，請攝影師上門為「勁秋雞」拍攝秋季寫真，而且有多個可愛造型，拍攝時剛巧BB熟睡中，所以乖乖的任擺甫士。
阿Max話湊BB真係好辛苦，佢就忙到連鬚都冇時間剃，所以一有時間會幫太太手，不過見到「勁秋雞」個甜樣，再辛苦啲都值得啦！
唔好睇勁秋雞個樣毫無殺傷力，阿Max話佢想食奶嗰時唔係人咁品！再而日前「勁秋雞」就流下人生第一滴眼淚，仲要係大大滴啊！
