「峰之子」半個月大 陳國峰：每日收工趕回家照顧BB
廣告
《超級巨聲2》隊長陳國峰（Penny）去年同拍拖八年的圈外女友黃思雅(阿Wing)結婚，婚後極速造人，今年初宣佈陀B，話咁快「峰之子」喺9月頭就出咗世啦！唔經唔覺「峰之子」已經半個月大，暫時仲未改名字，不過咪睇陳國峰平日做節目好識搞笑，其實佢都有穩重嘅一面，自從囝囝出世後，佢每日一收工就趕返屋企幫手湊BB，幫輕坐緊月嘅太太，真係要畀個like你啦！
撰文：Sunday Kiss
圖片：陳國峰、Wing Instagram
陳國峰 婚後極速造人
陳國峰同老婆阿Wing婚後經常放閃，不時拍拖去旅行，仲會上載到二人嘅IG，認真甜蜜！最難得係恨有愛情結晶品嘅佢哋，婚後好快造人成功，阿Wing一索得男，真係可喜可賀。
趕回家湊BB
而自從囝囝「峰之子」出世之後，榮升爸爸的陳國峰不時在社交平台分享囝囝嘅點滴。而佢更透露每日收工後都會盡快趕返屋企湊B同照顧仲坐緊月嘅老婆，父愛滿瀉！
「峰之子」剛出生時，雖然仲瞓緊覺，但臉帶微笑，相信一定係個快樂寶寶！
全裸大肚寫真
回帶睇番「峰之子」未出世時，陳國峰趁住阿Wing臨生前去影大肚寫真，留下美好回憶㖭！嘩！仔細啲睇，仲係全裸㗎！
