【直擊】觀塘一田超市開業!!

一田超市今日正式登陸觀塘apm商場，已經有心理準備爆多人，點知真係未入到超市門口已見人頭湧湧。

開業首兩個小時已見爆場盛況，門口、付款都要人流管制，超市亦有備而來，派出不少工作人員維持秩序，更有工作人員舉起龍尾牌指示排隊付款應排位置，人多但不致混亂，抵讚!

觀塘店面積不算大，但各式食物種類齊備。蔬果、有機菜、海鮮、肉類、芝士、紅酒等全部有齊，現場還有咖啡、啤酒、雪糕、茶、輕食等食物檔攤，最受歡迎都是意大利食品檔，可以即場歎意大利風乾火腿。更有少量座位可供即席開餐，Happy Hour都無問題。收銀處附近還設有BB用品及烘培專區，BB專區正進行秋日BB展品，特定貨品低至七折。

由今日起至10月8日推店內更「北海道食品祭」,現場已見不少北海道的乳製品發售，最吸引仲係北海道活生生海鮮，好似親身去咗北海道漁市場。

但開業人流實在太多，而且現場所見長者也多，要步步為營，擠逼情況如年三十晚行花市，建議要去逛逛的話要預多少少時間，儘量避免同細路和老人家同去。