【談情說性】 老公轉 性取向 ，係咪我錯？
今次筆者為大家分享一個老公在老婆生BB後改變 性取向 個案，究竟是老婆有問題，或是他本人受了不為人知的刺激？
編輯：Sunday Kiss｜圖片來源：Thinkstock、新傳媒圖庫
老公轉 性取向，係咪我錯？
筆者曾收到一位年輕女性Fiona(化名)的求助個案，25歲的Fiona於銀行任職，同老公Joe(化名) 結婚一年，兩人婚後相當恩愛，乃旁人眼中的模範夫妻。另外Fiona與Joe素來喜愛小朋友，婚後有生育打算，希望組織一個幸福美滿家庭。
時光飛逝，十個月轉眼過去，腹大便便的Fiona臨盆在即，Fiona決定選擇順產，Joe亦深表支持。分娩當日，Joe接受醫生的建議，決定一齊入產房陪老婆生B，全程的旁邊支持佢。最後Fiona生咗一個肥肥白白的女兒，母女平安。
BB出世後，Joe對其非常疼錫，放工後或放假時都主動照顧女兒，絕對係一位稱職的爸爸。但背後Fiona就愈覺奇怪，因為老公對自己愈來愈冷淡，更甚是兩夫妻在BB出世後就再沒有性行為，對方每次都用不同藉口推搪。Fiona對此曾有微言，不過認為老公工作忙碌、又將精力全放女兒身上之故，所以未有為意，默默忍受。
但久而久之，Fiona覺得Joe愈來愈古怪，夫妻間好似完全冇溝通，女兒成為兩人唯一橋樑。
直至一日Fiona無意中在老公手提電腦，發現瀏覽過不少男同性戀色情網站。嚇到呆晒的Fiona當晚趁Joe沖涼時檢查其電話，發現他交友軟件中與一些不知名男性對話曖昧，仲似乎曾經約過出街。這時候她腦海即時浮現一個念頭：「我老公變成同性戀？」
當時筆者就同Fiona提議，不如嘗試同Joe坦承相對，因為問題始終需要解決，兩公婆三口六面講清楚就最好不過。於是Fiona就決定同Joe坐低傾傾，同Joe坦白講兩人生小朋友之後一直欠缺性生活，而且發現他瀏覽同性戀網站。當Fiona提出自己一直以來放在心內的問題後，終於真相大白…
這時，Joe亦都沒對Fiona有任何隱瞞，坦白跟她說，性向改變是因為當日陪Fiona入產房生BB，經歷女士順產的過程，覺得有陰影… 好久不能忘懷！自此他便對女性失去興趣，開始對男士感興趣，後來禁不住瀏覽同性戀網站以便接觸更多男性。Fiona聽完Joe的解釋，完全冇辦法相信老公變成同性戀，頓覺晴天霹靂，聯絡筆者尋求解決辦法。
筆者明白一時三刻實在難以相信這事實，但亦難以改變，勸喻Fiona與丈夫坦誠相對，共同尋求最好的解決方案，減低對小朋友的影響，後來Fiona亦聽從筆者意見，認為勉強無幸福，忍痛與Joe離婚，不過，二人以小朋友為大前提，承諾共同撫養女兒，由夫妻變回「親人」。
