一家三口遊溫哥華 郭羨妮 帶囡囡老公遊母校
廣告
好多人會趁著暑假同家人去旅行，前港姐冠軍 郭羨妮 都唔例外！ 佢早前趁著暑假與老公朱少杰及女兒Kylie去到溫哥華旅行，佢仲帶老公囡囡回到自己母校西門菲莎大學參觀！相片中見到一家三口旅行非常幸福，唔知郭羨妮 囡囡大個會唔會跟媽咪讀同一間大學呢？
撰文：Sunday Kiss
圖片： 郭羨妮 微博、新傳媒資料庫
一家人遊溫哥華
趁暑假未完結， 郭羨妮與老公朱少杰及女兒Kylie去到溫哥華旅行，仲帶埋佢哋返自己母校西門菲莎大學遊覽， 郭羨妮 在微博上載照片並留言：「帶著最愛們到母校走一趟 是件幸福的事 溫哥華的夏天 美得無法形容」，見到一家三口在草地享受陽光，相當幸福！
郭羨妮中學時就讀嘉諾撒聖瑪利書院，之後畢業於西門菲莎大學，主修心理學和經濟學，擁有雙學位資格。畢業後加入國泰航空有限公司任機艙服務員。至1999年參選港姐時勇奪冠軍、最上鏡小姐、國際親善小姐及千禧才智小姐。2011年與內地武術指導兼導演朱少杰結婚，翌年誕下女兒Kylie。
今年無BB就考慮回巢拍劇
郭羨妮 6月出席護膚品活動時，表示唔鼓勵囡囡化妝，但係如果學校有表演就幫囡囡化。佢亦表示最近自己啲時間畀晒囡囡，囡囡上月尾生日，爸爸朱少杰就特地趕返香港同齊齊慶祝。郭羨妮 話佢之前準備咗部棉花糖機送畀囡囡做生日禮物，但係就俾囡囡發現咗。至於被問到會否為囡囡添個伴，生多個小朋友， 郭羨妮 就話順其自然，但如果今年無BB，就會考慮回巢拍劇！
走出小產陰霾 希望在身體許可下追番個仔
一家三口相當幸福，但其實 郭羨妮 曾經不幸於2013年小產，佢憶述︰「當時拍緊劇，騎馬、落水、吊威吔樣樣齊，到有日去睇醫生，佢話BB已冇咗心跳，要做手術引流，好似發咗場夢咁。」不過佢早已走出陰霾，現時同老公努力造人中，希望可以在身體許可下追番個仔！祝佢好運！
