43歲中女不忿被同事叫老姑婆 自讚8優點條件好：我要搶已婚上司做老公！
43歲中女不甘被稱「老姑婆」 力銷自己8個優點：明明我咁好！
這名女網民稱自己今年43歲，稱「眼見身邊同事個個都一對對，但自己咁多年都係一個人」，因此感到寂寞。樓主「我自問唔差，相貌中上，身材起碼唔肥」，又指自己有學識有內涵，性格爽朗，喜歡音響和名錶，認為自己生活非常有品味，而且為人節儉，「一個月$1,000已經夠我使，其他錢用嚟儲」。
工作方面，她指自己「假假地喺間中小企做一個經理」，更指自己在公司非常有地位，「連老闆同老闆娘都聽我支笛」，但愛情路卻一直不順暢，身邊也沒有朋友可以和她傾訴，直言「我呻係因為我咁高質素一直都無人問津，反而眼見公司好多低質素就大把人追」。
被指個性有問題但不認同、親情、友情都失敗
網民看完樓主的描述後都指假如這個不是創作post，那麼樓主注定做一世「老姑婆」。樓主也有指自己與同事關係不太好，認為是「公司啲八婆bad mouth我，搞到無男人埋我身」，又指「佢地背後有話我講野尖酸刻薄，但我唔覺得自己係囉」，更分享例子「大佬呀，佢哋連食大家樂都可以當正餐」，坦言無法與這些人做朋友！
除了人緣不好，樓主與家人關係也不好，樓主分享家庭背景，指「有一個搬咗出去睇唔起我嘅細佬，佢以為自己做醫生就睇我唔起；除咗細佬外，連我阿媽都樣樣睇我唔順眼，唔鐘意我，咩都話我唔啱」，得不到家庭溫暖，但又不可以搬出去，因為怕「搬咗出去第時老豆老母行咗，間屋可能唔夠細佬搶」；放假也沒有可以相約外出傾訴的朋友，可謂親情、友情都失敗。
列擇偶條件要有車有樓月入5萬
親情、友情都失敗的樓主，對愛情仍有一絲希望，她對自己非常有自信，認為自己條件不錯，直言「每個新男同事都會對我想入非非，之前個GM仲成日借啲易摸我添」，因此自言「揾2萬的人，我睇唔上眼」更列出多項條件：「我要求真係唔算高，月入五萬以上真係咁難咩？有車有樓呢啲好基本啫，當然要愛我專一啦」，網民看完後直指「如果係有樓有車還月入過5萬的男士，還會啃一個過40的夕陽之花嗎？」，網民都認為有這種條件的男人，不是早已組織家庭，就是要找20多歲的女生，樓主發夢也不可能得到。
曾有2段情但結果不了了之
及後樓主更分享自己曾有過的兩段「愛情」，一段是透過交友app識，對方大陸有廠，有車也有樓，曾結婚但老婆已離世，沒有小孩，樓主指「同佢拍拖幾舒服，一個月見兩次左右，平時用微信溝通多」，最終敗在樓主同事身上，因同事們都指對方似騙財，令到樓主疑神疑鬼，最終對方也封鎖了她，第一段感情無疾而終。
第二段所謂的感情其實也不算什麼，樓主指「隔離部門阿頭都算唯一一個我覺得可以的男人」，但對方有一個同居多年的女友，樓主表示「多次向佢表示好感，亦有俾機會佢追我，但佢好似唔係好明」，又指對方與女友同居多年都未結婚，「好明顯已經無愛啦」，更指自己比他女友更適合他，又指對方「好關心我，我feel到佢都對我有啲野」，但奈何她認為對方「怕公司啲人講啫，始終人言可畏」，因此沒有追求樓主。
稱或會考慮老闆、自言有信心可KO老闆娘
樓主最後可指，其實有第三個男人值得考慮，就是她現在的老闆。她指「老闆好聽我講野，又好buy我同欣賞我」，雖然年紀比較大，但樓主指對方符合條件，感覺對方可以付託終生，更大膽直言「我相信如果我肯，我有信心KO老闆娘坐正」，可惜對方長年在中國廠坐鎮，因此樓主「想做嘢都難」，只能無奈放棄這個男人。
總結這名中女自己讚自己的優點，大家又覺得佢係老姑婆嗎？
- 相貌中上
- 身材起碼唔肥
- 有學識有內涵
- 性格爽朗
- 生活非常有品味（喜歡音響和名錶）
- 有正當工作
- 為人節儉可只洗$1,000/月
- 有兩段單純的戀愛，有魅力到每個新男同事都會對她想入非非
網民難頂其自信：「邊有男人啃得落？」
不少網民都感歎世上竟然樓主這種人，直言「有病就去睇醫生啦」、「呢D女人最可怕，過多幾年會變態，最怕呢D老女人上司」。當然也有網民認真對待樓主疑問，指樓主「自大又自卑，自大就係覺得自己40歲仲好正，經都就收，仔都生唔出；自卑就係事實自己冇人要，又唔降低要求」，因此認為樓主注定單身。
而有網民批評樓主性格差，唯一對她好的家人爸爸入了醫院，樓主都以自己不是醫生為理由，而不去醫院探望爸爸，價值觀全錯了！也列舉多個例子來說明樓主不懂與人相處，要好好改善才會有人愛！也有網民認真回覆「女人到咗40想搵另一伴真係隨緣，現實社會好殘酷」；有人則批評樓主「自己不去爭取，成日等人送上門」，也有人安慰樓主「男人唔要都可以！自己一樣開心」。
資料來源：香港討論區
