仔仔去Staycation過生日 港媽指酒店唔Upgrade又唔送佈置
廣告
近日，有媽媽帶孩子到酒店Staycation，為兒子過生日。但因為仔仔生日，酒店沒有安排Upgrade及免費佈置，令到這位媽媽有點不開心，更在網上指酒店毫無表示，是酒店責任！
撰文：CY｜圖片來源：Facebook@生仔要考牌系列、Unsplash｜原文刊於：GOtrip
最近有港媽在Facebook群組「香港 Staycation 酒店交流谷」發文，話自己日前去酒店Staycation時，撞正「個仔生日，酒店冇表示，冇得升級，冇免費佈置」，最後埋尾一句「是酒店責任嗎？」，似乎認為酒店有做錯，應該要負責任！
貼文事後被網民轉發至Facebook群組「生仔要考牌系列」，引起廣大迴響。生仔要考牌系列管理員留言話「個仔生日，［*Fill in the blank］冇表示，冇得升級，冇免費佈置，是［*Fill in the blank］責任嗎？」，暗串港媽都用同樣藉口責怪他人未有給予兒女特殊禮遇。
有好多網民都相當激動，話「個仔生日爸媽唔使表示，反而要酒店表示？咩邏輯」，仲有網民話要求酒店提供咁多免費服務，「唔知以為個仔係間酒店爆出嚟」，講到似層層，連專頁管理員都笑埋一份，話「究竟人類可以點樣同酒店發生關係？」
亦有網民好公道，斥責「父母責任，父母無錢唔好出去玩」、「畀多啲錢住貴啲唔得嘅，係要搲Free Upgrade，正一大種乞兒嚟」，話一分錢一分貨，支付了金錢自然享受同等價值的體驗，對方並無責任贈送更多服務。
