【網民熱話】仔女撞跌酒樽 母帶仔女落荒而逃 網民大鬧：做父母真係要考牌
廣告
好好教養子女，培養他們有良好的品德是為人父母應有的責任。近日，有位網友在社交網站投訴一名母親，放縱一對仔女在零食店玩鬧狂奔，不去阻止說教之餘，發現仔女撞到貨物滿地玻璃後，更帶仔女落荒而逃，實在枉為人母。該篇發文引起不少網民議論。
撰文：Scallop｜圖片來源：筲箕灣人筲箕灣事@facebook（網民Kecy Lui 授權轉載)
仔女撞跌酒樽 母帶仔女落荒而逃 網民大鬧：做父母真係要考牌
近日，有位網友在社交網站發文，表示在零食店遇到令人「認真無語」的家長。事緣這位網友在零食店購物之際，看到一對小朋友玩鬧奔跑，「期間不停撞嚟撞去」，令網友不禁出言：「有無家長睇住？」，「咁樣玩自己撞到都唔好喇」，怎料下一秒便聽到「玻璃跌落地嘅聲音」，接著就見「個吖媽帶住對仔女急急腳走落樓」，落荒而逃。該網友指責這位媽媽，本應阻止仔女在零食店喧鬧，可是她「言行身教做得很到位」，仔女撞到紅酒後落荒而逃，「連道歉叫人收拾爛攤都無」，更遑論賠償。事後，該網友只好告之收銀員，收拾現場。
全文如下：
宜家d家長如此以身作則教導小朋友
真係認真無語
事因:
由我上去二樓開始 10分鐘內嘅時間
已經見佢對仔女成個場跑咗3圈
期間不停撞嚟撞去
係咁嘻嘻哈哈講借借 借借 借借
夾硬經過我身邊三次 最後一次經過我度
我就話 宜家係點吖 有無家長睇住噶
咁樣玩自己撞到都5好喇 真係離曬譜
下一秒聽到玻璃跌落地嘅聲音
再過兩秒個吖媽帶住對仔女急急腳走落樓
我以為係個吖媽聽到我講d嘢
叫對仔女收斂d 後尾先知係落荒而逃
哩位家長你係得嘅 言行身教做得很到位
5好話賠償 連道歉叫人收拾爛攤都無
我哋去同收銀哥哥講發生咩事 叫佢執一執
網民大鬧：做父母真係要考牌
該篇發文引起不少網民議論，有網民指「做父母真係要考牌」、「有太多人有生育能力，沒有教育能力」。不少作為父母的網民指，一定要即場教，「先至入心」。
關鍵詞
網民熱話
