仔女無禮貌點算好 網民：強硬堅定方法處理

撰文：Kamen

仔女無禮貌點算好 網民：強硬堅定方法處理

有網民喺討論區度話7歲嘅仔女用無禮嘅口吻對待父母，例如起身：「媽/爸，咦你好煩呀，收聲啦，遲到咪遲囉」／食飯：「(叫佢快少少食)我咪食緊囉~(大聲)」，問有冇幽默嘅方式處理。普遍網民都認為需要嚴肅處理，等小朋友知道自己無禮貌係唔正確。

網民1：7 歲仍是學紀律同禮貌的階段，已經咁目無尊長，仲要幽默處理？我不會容許子女對我無禮貌的

有網民認為應該要佢承擔後果

網民2：沒禮貌。 我會不理她。 由學校記過，令她承旦后果的。找時間會道出你很不禮貌，以后習慣性對其它人，令大家討厭你。你會沒朋友的。你如此對你母親，令我好難受。時下小孩聰明，該明白。

網民3：佢點返學？你帶，定校巴？7歲-2 年班，輸得起，講真， 佢講- “遲到咪遲囉” 係咪出自真心？ 你想知，就一定要比佢遲到，佢既反應先係真….如校巴走咗，望一望佢反應？跟住你要正常搭車，你既反應要好淡定，仲要慢慢行…唔好跑.. 帶佢返學.. 搭咩都得.就係唔搭的士。因為你係想佢遲到，你今次博到佢準時，佢態度會仲衰…遲到咗之後，就要打比班主任,講你既worried …佢一定會同你小朋友講….幼小，如佢態度咁，就一定要比教訓佢，高小仲係咁就好難攪( 我都唔想佢成績表花架，點搵中學呀 )

有網民認為一定要嚴肅咁講 以免變本加厲

網民4：講真，我接受唔到有人咁同我講野。我會嚴肅咁講，就算我係你阿媽都應該得到尊重，我養緊你你都咁既態度，將來要你養我我就慘過乞啦！一定要比佢知道你唔接受咁既回應。否則只有變本加厲。

網民5：版主請明白，對待孩子當然要包容和有耐性，但你不是包容和有耐性，你是在縱容他，他從少習慣對人說話不禮貌和不尊重，試問長大了，在朋友之間、在工作之間，試問有誰人會像你一樣包容他呢？在家靠父母，出外靠朋友，如能夠從少教導他如何如人相處，處處受歡迎，自然遇到困難時容易有人伸手幫助他，這不是父母給予一生受用的禮物嗎？

網民６：如果小朋友只有7歳，我絕對唔容許佢可以咁冇禮貌，小朋友仲細必須要學習應有既態度，唔會放縦佢要幽默處理。恕直言通常慈母多敗兒，小朋友從小就要學習禮貌及尊重，態度差不可縱容，唔及早斗正小心愛佢變害左佢。

亦有網民建議搵時間同仔女傾下

網民７：我諗要找一個時間坐低同佢好好傾下你們人的低線。禮貌真係好重要，如果依家7歲已是這樣，真的不敢想像到中學反叛期會是怎樣，所以趁現在還可以控制的就不可以放鬆。好像我仔現在F.3，如佢去到我低線，我都要佢SAY SORRY。

網民８：1) 俾個鬧鐘佢 2) 坐低同佢解釋唔尊重人對自己&他人嘅影響 3) 定下改善目標、時間、後果，再同佢review p.s. 預咗唔會好順利，平心静氣再tune、再教

7歲正正係小朋友學習禮貌嘅歲數，小朋友反叛無禮貌在所難免，但必須加以教導，令小朋友知道禮貌嘅重要性。