伯伯倒地重傷頭部出血 員工見義勇為照顧 公司不體諒遲到理由

撰文：TLY｜資料來源、圖片：讀者提供

伯伯倒地頭部重傷 冷漠途人沒有出手幫助

今日一個網友在Facebook分享，「今朝返工前於某大快活食早餐，有位伯伯失平衡跌倒，頭部嚴重出血，我見況報警。現場有兩位先生女士幫手照顧傷者。不久商場保安亦到場。留低資料後，警察巡例叫我地留守現場協助，直至救護員到場。

事後協助的女士都抱怨佢不斷叫其他幫手報警都冇人願郁，現場得我地三人及遲來既保安幫呢位伯伯，其他人包括現場職員冇一個肯幫手，做野既繼續做野，返工既食完就閃人，街坊繼續做塘邊鶴。」

員工見義勇照顧 反遭公司直指遲到

「由於差不多過返工時間，我WS（WhatsApp）相片及打電話返公司交代情況，並問公司呢種情況下遲到點處理，同事竟然反問我：「點解係你報警唔係職員報呢？都係當你遲到囉，公司冇呢類情況指引。」其實只係盡公民責任，普通市民都報得警架嘛下話？」

幸好，網友都趕得到最後一分鐘打咭，沒有遲到。他反思公司同事可能「話唔到事」，都是依照公司規則做事。然而，見到以上公司同周遭人對事件既反應都覺得幾婉惜。香港人「返工第一」呢種特質非一朝練成，而且促成社會既冷漠程度，要多得各大財團、老闆政策催化，還要多謝政府對社會上好多「揾朝唔得晏」的實況繼續視而不見。」

其他網友都大讚，」「樓主好好，希望老人家無事，幫到人，對得住自己良心，好過自己心唔舒服，過意唔去。」；
「別被制度攬死。繼續做自己認為正確既事。」；「今天的香港已經變了質！發生事故只會用手機錄影！坐視不理然後離去！樓主的善心我們應學習，教導小孩，當有一天你自己發生事故都希望有人拔刀相助」