何太現身房署總部 居民揭邨內最新情況 網民大膽推測與何伯最終結局
收房屋署通知後開始「走難式」居住
早前房屋署向何伯何太發出了搬遷通知，警告他們若繼續居住在該公屋，將會收到進一步的搬遷指令。這導致何伯何太無家可歸，只能選擇在酒店暫住，中港兩地「走難式」居住。
被師奶圍攻辱罵如過街老鼠
昨晚，有目擊者拍攝到二人從內地返港，不過在餐廳嘆茶進行直播期間， 被一班師奶圍攻並辱罵，最後夫婦二人只得匆忙離開，猶如過街老鼠。
何伯夫婦現身房署總部
今早，何太未如常進行直播，隨即引起網民猜測。隨後有消息指出，何伯夫婦出現在房署總部，何伯手持一個環保袋，此舉引發了網民的熱烈討論，猜測他們可能是去處理加名或收樓的事宜。
網民：何伯大庭廣眾都要手搭何太大髀
此外，何太的身形也成為網民討論的焦點，「目測河馬（何太）隻手上臂有鹹伯個頭咁粗。」、「手臂好似金華火腿。」、「睇嚟佢隻手臂同我大髀差唔多。」、「我點睇都覺得重過欣宜最肥嗰陣。」
另一張照片中，何伯的手更搭在何太的大髀上，有網民戲謔地評論：「嘩！大庭廣眾咁樣攬攬抱抱，行為果然勁過好多後生仔。」、「何伯一陣都忍唔住！」, 更多人力斥男方是「名副其實嘅鹹伯」、「阿伯行為不知所謂」。
相關新聞：新何太宣布新計劃 人身攻擊狠鬧何伯後態度180度大變 網民：比TVB劇精彩
拆解現身房署總部原因 居民揭邨內最新情況
不過最令各人好奇的是，究竟二人為何會現身房署總部，可能傾收樓」、「 也可能是加名」、「抵死，博出位而家搞著自己頭痕」。
此外，網民都紛紛猜測何太最後會決定「加名」還是「收樓」，有經驗人士直言「加名去返菁田邨辦事處已經得啦」、 「加咗名會攞唔番筆錢，河馬（何太）點會為咗間垃圾屋放棄追錢。」、「去得總部、只有一個理由、就係收到收樓信、然後回去上訴！」
期間，有疑似居民也爆料透露邨內最新情況，「唔怪得青田邨琴晚多咗幾個保安啦！原來房屋署開始做嘢啦。」 期間更有人大膽推測二人最終結局：「就嚟大結局啦⋯⋯離婚。」
何太 突然賣口乖改口讚房署
早前的YouTube直播中，何太忽然轉口風，提到自己回公屋單位攞衫時，發現房署發出的信件，她說：「嗰封唔係收樓信，嗰日佢口頭同我講咗再出一封信啫，話從此之後，我老公冇得再喺度住喇！如果再繼續住呢，一係加名，一係搬遷咁。」
相關新聞：何太要離婚 何伯用膠紙封嘴喊住寫遺書 內容曝光 要警方上門
稱已經同房署職員傾好咗
早前曾鬧爆房署職員的何太，此時突然「變臉」賣口乖，表示：「我都相信嘅，佢哋做嘢冇咁蠻不講理嘅，我哋明明9號嗰日傾好咗，同啲職員傾好咗，嗰晚我哋都上深圳過咗一晚㗎嘛！」強調何伯冇返到公屋單位過夜。
何太爆被何伯以死相逼
何太透露她正在考慮搬到租金更便宜的地方居住，並堅決拒絕為公屋單位加上何伯名，以免影響她討回何伯450萬的計劃。不過她坦言有離開何伯的念頭：「邊個撐得到呢，我都想走呀，但我老公佢愛我，佢唔肯畀我走，佢係以死留難我呀嘛！」
讚房署唔會好似黑粉咁野蠻
何太又揚言：「就算佢（房署）使橫手收我樓都冇問題㗎，真係㗎喎，我OK㗎喎，我冇問題㗎喎！我唔會畀你哋逼上絕路㗎！我一直撐下去㗎！即使我瞓街，我都同我老公撐下去！」
何太續讚房署講理：「如果房屋署好似你啲黑粉咁野蠻，唔講道理嘅，使橫手攞走我間屋嘅，我都真係冇問題㗎噃！」何伯也在一旁加以附和：「人哋（房署）都識諗㗎嘛！人哋畀你玩呀？畀你牽住個鼻走呀？人哋何局長都話會查實質嘅嘢，唔係聽網上講嘅嘢，網上講嘅嘢係不可取不可信！」
