何太哭訴房署8號波上門趕何伯走 大爆舉報者身分 ：點解逼害我哋

何伯夫婦回港 遭網民揭發

近日，有網民發現何伯夫婦從內地過關返回香港，及後亦有屯門街坊在超級市場見到他們的蹤影。直到周六（16日）有網民又發現何伯夫婦「敗走」返回內地。

何太哭訴「房屋署逼害他們」

何太在其社交專頁上分享影片，哭訴指「房屋署逼害他們」。她聲稱，在懸掛8號風球當日，房屋署一名鄧姓職員上門「迫害」：

「我哋兩公婆落香港兩日，逗留兩日約咗日子睇醫生嘅，竟然都可以迫害我哋。係咪咁樣做嘢㗎房屋署局長，你出嚟交代！佢話代替你局長講嘢喎，係咪？我哋幾個女都冇返去嗰度，都冇喺嗰度住啦，有時返一日半日啦，係咁樣絕情？」

她透露，何伯「被迫」要離開屯門公屋單位。

據悉，何太的屯門公屋沒有為何伯「落名」，根據法例他不能在該單位留宿，被網民質疑何伯疑似在屯門公屋「屈蛇」。何太就在帖文中指，有「黑粉」向房屋署舉報，令他們在颱風日到被趕走，「房屋暑（署）迫害我哋，今次遇上8號風球都要趕走，請有良心人士替我主持公道」，更揚言即使要打官司也不會輸。

網民笑指：呢鋪真係「你7街瞓」

大部分網民都對今次事件表示毫不同情，更認為房署「終於做到嘢」，譴責何太「霸佔公屋」的行為。有網民笑指何伯今次不得不「7街瞓」、「呢鋪真係…『你出街瞓』」。