新何太突激動爆喊 向已故何太說話 感動何伯：我夠眼光搵到呢個老婆
廣告
何伯夫婦自從TVB節目《東張西望》申訴後，至今仍是大家茶餘飯後的話題。事件後， 雖然一直備受外界質疑和責罵，但何伯夫婦由始至終都毫不介意他人的眼光， 且不時會在做直播與網民互動，也樂於解答網民的提問。不過她在最近的直播上突然情緒崩潰爆喊，因而再度引起外界關注。
新何太稱曾拜祭已故何太
新何太在直播中提到，她曾經拜祭過已故的前何太（何伯元配）：「之前拜何老太太時，我斟酒敬茶嗰時仲同佢講，叫佢放心，而家軒（讀音）哥（何伯）由我嚟照顧，我會代你好好哋照顧佢。」
何伯聽到現任妻子的這番說話後也感動落淚：「我老婆當時真係講呢句說話，我聽到呢啲說話，當堂眼淚都流出嚟，有個咁好嘅老婆，同我拜亡妻。」隨後，新何太感謝粉絲送出的心心和禮物，並提到何伯的女兒，表示她的處境並不簡單。
何伯稱讚新何太是好人：我就夠眼光
新何太的情緒激動到爆喊，何伯則安慰她說：「今日13號啊，同你四個月喇，百日有多。我而家又無錢，做乜唔同我分手啊？」他遞給新何太紙巾，並稱讚她是好人：「好人唔係咁易搵㗎，我就夠眼光，搵到呢個老婆。」
何伯繼續安慰新何太，強調他們的行為是正直的：「唔好喊喇，老婆，我哋做嘅嘢有天地知，行得正企得正。最衰啲話人生安白造，有啲（人）以為真，嗰啲人食屎屙飯，個腦裝屎，就講得出呢啲說話。」
相關新聞：76歲何伯交代身後事 網民揭他2部位明顯異常 新何太開腔回應
新何太眼淚備受質疑
新何太邊喊邊說：「唉……佢老竇畀咗佢仔女好多好多錢，都無睬佢。」何伯則繼續批評他的子女：「到而家都無一個聯絡我。」新何太再次強調她對何伯的真心真意：「佢哋遺棄咗個老竇，我無咗佢唔得㗎，一定要照顧返佢。」
何伯也即時表達了對妻子的愛慕：「無你照顧我，今日見我唔到㗎喇，我而家個心好甜，我老婆對我好好嘅，點都唔會分開。我老婆對我咁好，我真係笑住走。我真係鍾意佢。」
然而，儘管新何太眼紅紅、情緒激動，但如《東張西望》的訪問一樣沒有流出一滴眼淚，紛紛表示質疑，「哭得好像，但沒眼淚」、「好假」、「假到媽都認不得。」，又有人質疑「她都無眼淚，用紙巾抹乜？」
對於被指假喊，新何太則堅稱：「你哋話我假喊，我就更加會振作更加堅強，我最驚人哋同情我，起碼會喊幾十日。」
圖片來源：《東張西望》截圖、抖音截圖、《東張西望》
