翁靜晶宣布發律師信 提及何家5子女 新何太回應惹網民熱議：佢今次大鑊喇

翁靜晶串爆囂張何太

面對翁靜晶的批評， 新何太開腔反擊：「懷疑佢個律師牌點買嚟嘅。」其後， 翁靜晶在自己的YouTube頻道上回應了對方的言論，她戲謔地詢問：

「有人話，翁靜晶個律師牌，有人講個牌買返嚟㗎喎！哇，我聽到好開心喎！我想問有得賣嗰個人係邊度有得買呀？我想買多個喎，如果有不如買多個，你介紹我買多個啦，要幾多錢？如果買得起，買多個都唔錯喎咁樣。」

翁靜晶：佢以為乜都可以買返嚟

她進一步指出，有些人認為金錢是一切，但在香港，這種觀念是行不通的，因為香港有廉政公署的存在，法庭也難以被買通，「佢以為乜都可以買返嚟」。

翁靜晶：有啲人咩都唔驚，係最驚窮

翁靜晶分享了她的觀點，認為成功的定義不應該只由金錢來衡量，而是應該由社會給予的評價來定義，「有啲人咩都唔驚，係最驚窮，因為佢哋窮到怕喇，佢哋唔可以再俾自己去返嗰個位度，唔好講咁多禮義廉恥，因為佢哋目標同我哋唔同，同埋佢哋經歷過嘅嘢，唔係我哋所可以明白，佢哋經歷嘅慘況唔係我哋可以體會，各人有各人嘅前因後果。」

翁靜晶宣布發律師信 疑指新何太對何家子女缺乏愛心

翁靜晶強調對何太無敵意，不會仇恨她，更猜測對方可能有好可憐嘅歷史，「呢位大媽我對佢係冇敵意嘅，我唔會仇恨佢⋯⋯我知道佢想改善生活、改善家人嘅生活」、「但我都希望佢可以攞個愛心去對人哋嘅家人小朋友。」

不過翁靜晶指應要用愛心對待人 ：「我做嘢通常先禮後兵，你哋講得啱，我會做一個制衡措施，出律師信之後，如佢選擇行善良嘅路，唔好傷害人，好好對待人哋嘅家人，咁就未必有下一着，否則好過份，仍然傷害其他人，我出咗第一封信，我隨時可行下一步。」

新何太囂張稱：放馬過來

對此，新何太疑似在其抖音粉絲群中狂轟翁靜晶出律師信一事，其言論包括「放馬過來」、「你敢不敢見我」、「你憑甚麼出律師信畀我」、「當我唔善良的時候第一時間就係同你攬抄（炒）」、「你這個奸狡女人，放馬過來」和「我等著你」，又疑似怒斥「為流量不擇手段」！

網民：一聽果句已經知佢瀨嘢

聽到新何太的回應， 引起一眾網民關注，紛紛表示「一聽到佢講果句野就已經知佢賴嘢」、「香港律師牌係考返黎冇得買㗎，何太妳咁講小心比人告誹謗」、「翁小姐講得啱，夏蟲不可語冰」、「支持告佢誹謗」、「支持翁靜晶告佢等佢有個教訓 以為自己好叻」。