公屋戶「家徒四壁」求捐助疑穿崩 網民見3物件震驚：有錢到咁仲要幫？

入住公屋半年卻欠缺基本傢俬

非牟利慈善機構「曙光計劃」於11月11日在Facebook專頁以「家徒四壁—家俬轉贈求助個案」為題發文，透露早前接獲社工轉介一個公屋戶個案，希望公眾能轉贈家俬，幫助他們。

帖文中指出，求助人於去年接受手術後身體變得非常虛弱，失去工作能力，而妻子亦不幸患上抑鬱症；其後雖然一家四口在半年前獲分配公屋單位，但由於經濟困難而至今無法添置基本生活傢俬如床具、暖水爐等，「求助人家庭一家4口（連同兩位年幼嘅小朋友）因為無錢買床，每晚都係訓喺地蓆上面，同埋仲未能夠安裝到熱水爐去沖涼」。

帖文中附有多張照片，並呼籲市民「如果您希望出一分力，可以去成為曙光計劃嘅義工，亦都可以透過捐款直接幫助求助個案」，另外附上「曙光計劃」的聯絡方法和銀行戶口，方便有心人提供捐款用於捐贈傢俬和搬運資金。不過帖文引來眾多網民的質疑，及後曙光計劃已經刪除相關帖文。

3大物件惹質疑 機構急刪帖文

有網民細看照片發現，求助人的家中擺放了看似昂貴的精油和其他物品，不禁令人質疑其經濟狀況，而其中最為明顯就是雲石地板。有網民質疑「公屋收樓保留雲石地磚？」、「地磚咁新淨，還屋畀房署唔使還原咁好？」、「我都係第一次見上手可以留到咁靚地板」。

而另一張照片顯示，圓枱上的木架擺放十多支精油，推測價值不菲，「啲精油有廿X幾隻味」，認為求助人根本是「有錢人」。

有網民發現，求助人孩子的玩具要價過千，「呢個玩具唔係平，我仔極鍾意我都唔捨得買俾佢玩」，「小朋友睇英文書、又有平版電腦用，竟然窮到要瞓地下」。

亦有部份網民發現家中擺設反映著求助人絕對有一定的經濟能力：「其實佢只係無床，佢已有電視櫃」、「有錢裝修，無錢買家俬。但富貴竹好緊要，唔可以唔買」。

事件惹網民質疑：有錢到咁仲要人幫？

照片顯示，該家庭居住的公屋單位空間寬敞，地面鋪設了光滑的雲石地板，但就欠缺房間間格或大型家具，只有1張圓枱和層架櫃，而地板亦放置2張地蓆，據悉是家庭成員睡覺休息的位置。

其中一張照片以「家徒四壁」描述情況，卻引起了網民質疑：「個廳咁X大都叫『家徒四壁』」、「我睇完幅圖，再睇下我租緊個迷你單位，即刻需要心理治療」、「佢冇儲物空間，但間屋大把空間」、「個角落位已經大過我屋企」、「間屋已經大過好多人屋企，有咁好環境仲想點？」、「要博同情都搵間寒酸㗎，搵個咁嘅單位，唔炒車都幾難」、「有地方住已經好好啦」、「我有床有傢俬，但無間屋，我都需要幫手！」

期間，有人詢問「咩精油？」，有知情網民則回覆「一支都貴到趴喺度嘅精油，佢仲要有成套」，其後有人感嘆「有錢到咁仲要人幫」。