先斬後奏幫孫女剪頭髮 奶奶：長頭髮難打理！
先斬後奏幫孫女剪頭髮 奶奶：長頭髮難打理！
有網民於討論區留言，指奶奶先斬後奏，帶囡囡去把長髮剪短。雖然這位媽媽並沒有出聲責怪奶奶，但仍感到耿耿於懷。這位媽媽表示，奶奶一直覺得孫女留長髮難以打理，於是跟孫女講游水要剪短頭髮，帶孫女剪短。
「啊女Ｄ頭髮比奶奶帶去剪左，我無出聲怪責，都覺得出聲都無意思，但一星期過去後個心依然係耿耿於懷，覺得唔開心…啊女把頭髮由幼稚園起就留長，我個個月都同佢修剪，好細心打理先留到又長又直，啊女都好中意自己把長頭髮。我奶奶就覺得長頭髮難洗難幹（乾）難打理，啊女又大汗，成日都叫我帶去剪短佢，我拒絕左好多次，啊女都話中意自己長頭髮。忽然咁樣就帶啊女去剪短晒Ｄ頭髮，我真係好難過，問啊女做咩跟嫲嫲去剪頭髮，佢表示嫲嫲話去游水要剪短頭髮，所以就跟去剪左… 」
她補充，奶奶並不是和自己一家同住，平日亦是自己負責湊女。
「啊女由細都大都係我自己湊架，又唔係同住，又唔駛佢幫手湊，我知道係好小事，但真係唔高興，因為我係好中意啊女把長頭髮」
網民認為應預先溝通
網民1：咁她又真係得閒得制, 不過唔剪都剪左, 算啦, 當比個新形象阿女, 到冬天都長返啦。教定阿女下次要講唔好，不過如果阿女都唔介意短髮，我覺得你都可以嘗試接受。唔好太上心。再唔係,下次同99講定, 如果你要帶阿女剪頭髮哪些, 講聲比我知先, 因為學校有時有D表演呀那些, 要頭髮來造型，突然無晒我都唔知點同老師講。
網民2：好過份喎，我一定會出聲囉，一啲都唔專重人。拒絕咗咁多次都照做，真係火都黎呀！我覺得你一定要同佢講淸楚，以後個囡嘅嘢一定要問過個囡嘅媽咪先，你唔講嘅話真係難保無下次
亦有網民認為不應生氣
網民3：雖然阿女可能都愛長髮，但係又欣然接受新形象，咁豁達的性格，反而我欣賞阿女喎。頭髮又唔係唔會長，而且剪下反而可能令髮質更靚呢！唔好嬲，唔好耿耿於懷，學下阿女咁豁達啦
網民4：你女都冇唔開心，你自己就睇開D，可能從比呀女喜歡短頭髮，不要自己喜歡個女長頭髪就一直要佢長頭髮。當然奶奶先斬後奏係唔妥當，比我會叫C6同奶奶講下，下次要大家溝通左先做。
