內地男迫阿婆以$20借屋企過夜 被拒絕竟回嗆「咩都做得出！」
廣告
疫情過後通關，香港與內地十分鄰近，受到不少內地遊客的歡迎，不過現今內地遊客到港的消費模式與以前已經大為不同，以主張來港$0消費務求慳到盡！而日Facebook「公屋討論區」就有一條影片受到網民熱烈討論，影中有一名內地男因來港旅遊，在天黑之後與一位婆婆對話，懐疑用$20要求住公屋的婆婆讓他「瞓2晚」，婆婆不斷拒絕並作出解釋，但拍片男卻突然爆出一句：「你覺得我唔靚仔咩」，令人當堂「呆咗呆」，最後更惹來網民紛紛「留名」討論。
內地男遊客疑用$20誘公屋婆婆「借屋瞓覺」：我唔想租酒店啊嘛
Facebook「公屋討論區」上傳了一條影片，影片中主要拍著一名穿著拖鞋、口齒不清的婆婆，拍攝時天色已晚，而在片中背後聲音為一名男士。當時男士向婆婆道：「你嗰間屋咁污糟嘅，會唔會執吓佢啊」、「你執完我搬上嚟住喎」、「我同你一齊住咋喎，我瞓廳咪得」、「我唔想租酒店呀嘛」、「住一兩晚咋喎」。
而婆婆則一直回應，稱：「閘住，婆婆我住公屋唔可以收留人」、「唔得，唔可以收留人」、「唔得，我個廳好大，你瞓唔到㗎」。此時男方聲音笑著稱：「你唔覺得我靚仔咩」，婆婆稱：「麻麻哋啦」，然後再糾纏於用$20租住公屋2晚的話題，婆婆繼續道「唔方便，閘住，男女有別唔方便，唔可以㗎，你做咩攪我⋯⋯富昌邨唔可以收留人㗎，房屋署唔可以，租畀人住都唔得，住一兩晚都唔得，我係戶主，收回我單位」。而男方更稱：「咁你畀返$20我啦」，婆婆則回應指「好，畀返你」，影片到此便完結。
網民：真係咩都做得出
網民看到影片後，紛紛表示「真係咩都做得出」，指「$ 20好着數 ？一餐飯都唔得，欺負阿婆，什麼手段也有」、「遊乜Q客，根本係專業跨境乞衣」、「賊嚟，留意有冇可疑陌生人喺屋企附近或踩線」、「入門打劫就有份，順便霸佔添」、「阿婆話我俾乞丐都唔止廿蚊」、「引狼入室20蚊，入去偷返你2,000蚊嘢都唔止呀」、「垃圾」、「香港地鐵，M記，不用銀」、「入咗屋點請佢走? 可能阿婆要養佢一世」。
圖片來源：Facebook@公屋討論區資料或影片來源：原文刊於新假期
