八號風球應該要幾時掛/落 先唔會畀人鬧？1個時段大家最Buy

打工仔鬧爆：迫車返到公司打個卡，轉頭又話打卡收ā

消息發佈後，被不少打工仔批評，「天文台正X街，要落就落早d方便市3返工，一系就1點後先落，e家咁樣真系多撚謝哂你班仆街」、「點解要全港返半日呀？」、「天文台班友真係遲早比天收，佢地就喺入邊Un un腳，難為全港班小市民又要迫車，最慘就係迫車返到公司打個卡，轉頭又話打卡收工，又要迫過，玩人類大遷徙」、

打工仔：應該呢個時間落波先啱

事實上，有不少打工仔都認同今天要回到公司上班，只是不同意太早落波，「可唔可以改下午2點先落波？」、「遲多個鐘啦！全世界逼車去返工！心情唔好點去留港消費啊！」、「係都一點啦，食X天文台」；此外，部分人就覺得「咁辛苦返工咪辭職唔好做囉冇人逼你返工㗎嘛」。

專家解釋天文台預測之謎

香港氣象學會發言人、前天文台助理台長梁榮武透露，「摩羯」在半夜時分最接近香港，目前已逐漸遠離，距離約400公里，風勢將逐步減弱。「預測的預測」，梁榮武形容這次的預告，並認為考慮到下班安排等，「已經做到最盡。」

颱風「摩羯」影響及預測

梁榮武指出，「摩羯」是一個「真是超強颱風」，其威力在接近香港時明顯增強，中心附近的最高持續風速從時速210公里升至230公里。

儘管如此，由於「摩羯」已在香港400公裡外，對香港的直接影響不大。他續指，昨晚至今「摩羯」對香港「似乎都冇乜大玻壞」，主要影響是由於外圍的雨帶帶來的暴雨和強陣風。「大家不要期望次次都做到。」

八號風球應該要幾時掛/落 先唔會畀人鬧

颱風摩羯襲港，大家返工上學都受到影響，令全城都齊齊關注八號風球幾時掛或落，有一篇打風潮文就因此引起網民熱議，全文如下：

凌晨1點-清晨5點：掛嚟把鬼咩 瞓緊覺

早上6點-8點：掛嚟把鬼咩 都返緊工啦 又唔早啲掛

早上9點-12點：咁晏先掛 都返咗工啦 不如唔好掛啦 又要趕返屋企又要趕車 麻鬼煩

下午1點-4點：食食吓中午/下午茶又要趕車返嚟玩死人咩

下午5點-7點：掛嚟把鬼咩 都放工啦

晚上8點-12點：掛嚟做咩呀 都返晒屋企啦

但結論係：天文台幾時掛八號風球都係畀人鬧

網民反駁話呢個時間掛八號波最啱

這篇潮文極速引起網民關注，紛紛反駁指凌晨掛的話就無人會鬧：「凌晨掛邊個鬧過呀？嗰日唔使返工啦」、「朝早6-8你阿媽就返緊工」、「凌晨掛到第二日凌晨咪無人X」、「清晨5時掛，下晝6點落，就ok」，更有網民為天文台說話，用圖片回應指天文台永遠無法滿足所有人。